Béyjingdiki démokrat wang gochi qayta qolgha élindi

Béyjingdiki démokrat wang gochi shenbe küni, saqchilar teripidin qolgha élindi. Wang gochining a'ile tawabatliri shenbe küni istansimizgha téléfun urup, wang gochining 2 ‏- ayning 8 ‏- küni béyjing xeyding rayoni, wenshoshi saqchixanisi teripidin qolgha élinip, ta hazirghiche qoyup bérilmigenlikini bildürdi.

Wang gochining a'ilisidikiler, béyjingdiki alaqidar orunlardin uning tézraq qoyup bérilishini hemde dunya jama'etchilikining bu ishqa yéqindin köngül bölüshini telep qilghan.

Wang gochi, 1992 ‏- yili " jonggu démokratiye erkinlik partiyisi" ni qurghan hemde 4 ‏- iyul weqesining 3 yilliqini xatirligenlik sewepliridin hökümet teripidin qolgha élin'ghan idi. 1994 ‏- Yili béyjing ottura xelq sot mehkimisi, uni "eksil inqilabiy teshkilat qurghan" dégen jinayet bilen eyiblep, uninggha 11lliq qamaq jazasi bergen.

Wangguchi 2003 ‏- yili türmidin qoyup bérilgen bolsimu, da'iriler teripidin nazarat astigha élinip, pütün erkinliktin mehrum qilin'ghan. Uning xizmet qilishi cheklen'gen we hetta nopusqa aldurush iltimasimu ret qilinip, qara nopus halette yashighan.

Küzetküchiler, béyjingda ötküzilidighan olimpik tenterbiye murasimi échilishtin burun, béyjingdiki öktichilerning bir - birlep nazaret astigha qe qayta qolgha élishqa uchrawatqanliqini bildürmekte. (Eqide)