تيەنئەنمېن نامايىشىدا تۈرمىگە تاشلانغان لى ۋېيخۇڭ قويۇۋېتىلدى
2007.11.12
89- يىلى بېيجىڭ تيەنئەنمېن مەيدانىدا ئېلىپ بېرىلغان دېموكراتىيە نامايىشتا قولغا ئېلىنىپ تۈرمىگە تاشلانغان لى ۋېيخۇڭ 18 يىلىدىن كېيىن قويۇۋېتىلگەن بولۇپ، لىنىڭ دوستى يۈ جىجياڭنىڭ فرانسىيە ئاگېنتلىقىغا بىلدۈرگەنلىرىگە قارىغاندا، لى ۋېيخۇڭغا ئەسلىدە ئۆلۈم جازاسى ھۆكۈم قىلىنىپ، ئىككى يىل كېچىكتۈرۈپ ئىجرا قىلىشقا بۇيرۇلغان بولۇپ، يېقىندىن بۇيان ئۇنىڭغا ئارتىلغان بىر نەچچە گۇناھلار يېنىكلىتىلگەندىن كېيىن، ئۇ بۈگۈن، 12- نويابىر دۈشەنبە كۈنى قويۇۋېتىلگەن.
يۈ جىجياڭمۇ تيەنئەنمېن ۋەقەسىدە قولغا ئېلىنىپ 12 يىللىق قاماق جازاسىغا تارتىلغان بولۇپ،ئۇ 1989- يىلىدىكى نامايىش جەريانىدا تيەنئەنمېن دەرۋازىسىغا ئېسىلغان ماۋزېدۇڭنىڭ سۈرىتىگە تۇخۇم ئاتقان 3 ياشنىڭ بىرسى ئىدى.
لى ۋېيخۇڭ ئەسلى خۇنەنلىك ئىشچى بولۇپ، 1989- يىلىدىكى نامايىشتا قولغا ئېلىنىپ، "لۈكچەكلىك قىلىش" جىنايىتى بىلەن ئەيىبلەنگەن ۋە 1989- يىلى ئۆلۈمگە بۇيرۇلۇپ ئىككى يىل كېچىكتۈرۈپ ئىجرا قىلىش جازاسى بېرىلگەن ئىدى.
فرانسىيە ئاگېنتلىقىدا بېرىلگەن خەۋەردىن مەلۇم بولۇشىچە، 1989- يىلى تيەنئەنمېن دېموكراتىيە نامايىشىدا قولغا ئېلىنغانلاردىن 100دىن ئارتۇق ئادەم تېخىچە خىتاي تۈرمىسىدە ياتماقتا ئىكەن.
1989- يىلى 15- ئاپرېلدىن 4- ئىيۇنغىچە بېيجىڭ تيەنئەنمېن مەيدانىدا ئېلىپ بېرىلغان نامايىش، خىتاي كوممۇنىستلىرى ھاكىمىيەت بېشىغا چىققاندىن كېيىنكى ئەڭ زو كۆلەملىك ۋە ئەڭ ئۇزۇنغا سوزۇلغان دېموكراتىيە نامايىشى بولۇپ، خىتاي مەزكۇر نامايىشىنى ھەربىي قوشۇن ئەۋەتىپ قانلىق باستۇرغان ئىدى.
مەزكۇر نامايىشنى خىتايدىكى بىر قىسىم زىيالىيلار ۋە ئوقۇغۇچىلار باش بولۇپ تەشكىللىگەن بولۇپ، تەكشىلىگۈچى ۋە يېتەكچىلىك قىلغانلار ئىچىدە ئۇيغۇر يىگىتى ئۆركەشمۇ بار ئىدى. (جۈمە)
مۇناسىۋەتلىك ماقالىلار
- خوڭكوڭلىقلار ئومۇمىي سايلام ئۆتكۈزۈش نامايىشى ئېلىپ باردى
- خىتاي دېموكراتىيە پارتىيىسىنىڭ قۇرغۇچىلىرىنىڭ بىرى قويۇپ بېرىلدى
- سەندۇڭدا تۇڭگانلار بىلەن خىتايلار ئارىسىدا توقۇنۇش يۈز بېرىپ بىر ئادەم ئۆلدى
- تيەنئەنمىن ئوقۇغۇچىلار ھەرىكىتىگە قاتناشقان 100 نەپەر ئەتراپىدا سىياسىي پائالىيەتچى تېخىچە تۈرمىدە
- خىتايدا نارازىلىق ھەرىكەتلىرى ئىزچىل تۈردە يۈز بەرمەكتە
- خىتاي ھۆكۈمىتى تيەنئەنمىن ۋەقەسىدىكى نامايىشچىنى 18 يىلدىن كېيىن قويۇپ بەردى
- خۇ جىنتاۋ 1 - ئىيۇل كۈنى خوڭكوڭدا نامايىش باشلىنىشتىن بۇرۇن بېيجىڭغا قايتىدىكەن
- دېڭ شياۋپىڭنىڭ قىزى تيەن ئەنمېن ۋەقەسى ھەققىدە توختالغاندا ئۆركەشنى تىلغا ئالدى
- سىچۈەن ئۆلكىسىدە مىڭدىن ئارتۇق ئامما ۋە ئوقۇغۇچىلار بىرلىكتە نامايىش قىلدى