Тйәнәнмен намайишида түрмигә ташланған ли вейхуң қоюветилди

89- Йили бейҗиң тйәнәнмен мәйданида елип берилған демократийә намайишта қолға елинип түрмигә ташланған ли вейхуң 18 йилидин кейин қоюветилгән болуп, линиң дости йү җиҗяңниң франсийә агентлиқиға билдүргәнлиригә қариғанда, ли вейхуңға әслидә өлүм җазаси һөкүм қилинип, икки йил кечиктүрүп иҗра қилишқа буйрулған болуп, йеқиндин буян униңға артилған бир нәччә гунаһлар йениклитилгәндин кейин, у бүгүн, 12- ноябир дүшәнбә күни қоюветилгән.

Йү җиҗяңму тйәнәнмен вәқәсидә қолға елинип 12 йиллиқ қамақ җазасиға тартилған болуп,у 1989- йилидики намайиш җәрянида тйәнәнмен дәрвазисиға есилған мавзедуңниң сүритигә тухум атқан 3 яшниң бирси иди.

Ли вейхуң әсли хунәнлик ишчи болуп, 1989- йилидики намайишта қолға елинип, "лүкчәклик қилиш" җинайити билән әйибләнгән вә 1989- йили өлүмгә буйрулуп икки йил кечиктүрүп иҗра қилиш җазаси берилгән иди.

Франсийә агентлиқида берилгән хәвәрдин мәлум болушичә, 1989- йили тйәнәнмен демократийә намайишида қолға елинғанлардин 100дин артуқ адәм техичә хитай түрмисидә ятмақта икән.

1989- Йили 15- апрелдин 4- июнғичә бейҗиң тйәнәнмен мәйданида елип берилған намайиш, хитай коммунистлири һакимийәт бешиға чиққандин кейинки әң зо көләмлик вә әң узунға созулған демократийә намайиши болуп, хитай мәзкур намайишини һәрбий қошун әвәтип қанлиқ бастурған иди.

Мәзкур намайишни хитайдики бир қисим зиялийлар вә оқуғучилар баш болуп тәшкиллигән болуп, тәкшилигүчи вә йетәкчилик қилғанлар ичидә уйғур йигити өркәшму бар иди. (Җүмә)