Хитай һөкүмити тйәнәнмин вәқәсидики намайишчини 18 йилдин кейин қоюп бәрди


2007-08-10
Share

Кишилик һоқуқи тәшкилатлатлириниң җүмә күни хәвәр қилишичә, хитай даирилири 1989 - йили тйәнәнмин мәйданидики демократийә һәрикитидә қолға елинған бир намайишни 18 йилдин кейин қоюп бәргән. Бу йил 40 яшлардики ши хавляң, 1989 - йили 6 - айниң 4 - күни кәчтә бейҗиң пуқралири билән биргә чаңән кочисида керәксиз нәрсә ‏- керәкләрни көйдүрүп, тйәнәнмин мәйданиға қарап илгириләватқан хитай азатлиқ армийиси қисимлирини тосимақчи болған иди.

Тйәнәнмин вәқәси бастурулғандин кейин, у "әксилинқилаби от қоюш" җинайити билән әйиблинип, өлүм җазасиға һөкүм қилинған вә 2 йил кечиктүрүп иҗра қилишни қарар қилған.

Ши хавляңниң җазаси кейинчә йениклитилгән болуп, мәркизи хоңкоңдики җуңго демократийә вә кишилик һоқуқ учур мәркизи, ши хавляңниң сәйшәнбә күни йәни 8 - айниң 7 - күни бейҗиң 2- номурлуқ түрмидин қоюп берилгәнликини елан қилди. Австралийидә яшайдиған хитай демократчилиридин сүн лихуң, түрмидики тйәнәнмин тутқунлириниң әһвали үстидә тәкшүрүш елип бериватқан затларниң бири. У, тйәнәнмин вәқәсидә қолға елинған 100 дәк кишиниң һазирғичә түрмидә йетиватқанлиқини билдүрмәктә.

Хитай һөкүмити бир тәрәптин тйәнәнмин вәқәсидә қолға елинған тутқунларни қоюп бериш тоғрисидики бесимға учриса, йәнә бир тәрәптин хитай демократлириниң тйәнәнмин вәқәсини ақлаш тоғрисидики бесимиға дуч кәлмәктә. Ши хавляңниң җаза муддити тошқанлиқи үчүн қоюп берилгәнлики яки хитай даирилириниң бейҗиң олимпик мусабиқисини көздә тутуп, инсанпәрвәрлики тутуп кәткәнликтин қоюп бәргәнлики һазирчә бизгә мәлум әмәс. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт