Tyen'enmin oqughuchilar herikitige qatnashqan 100 neper etrapida siyasiy pa'aliyetchi téxiche türmide


2007.08.30
Share on WhatsApp
Share on WhatsApp

Merkizi amérikidiki di'alog fondi jem'iyitining xewer qilishiche, xitay hökümiti noyabir éyida, tyen'enmin oqughuchilar herikitige qatnashqanliqi sewebidin 18 yildin béri türmide yétiwatqan li wéxungni qoyup béridiken.

Di'alog fondi jem'iyitining bu munasiwet bilen élan qilghan bayanatida bildürüshiche, 1989‏- yéli qolgha élin'ghan chaghda emdila 21 yashqa kirgen li, 11‏- noyabir küni qoyup bérilidiken.

Tyen'enmin oqughuchilar herikiti jeryanida, xénen ölkiside bir karxanida ishchi bolup ishlewatqan liy, xitay hökümiti teripidin 1989‏- yili april éyida qanliq toqunushlargha seweb bolghan bir naraziliq herikitini teshkilligen dep, eyiblen'gen.

Li, 1989‏- yili iyun éyida ölüm jazasigha höküm qilin'ghan idi. Lékin 1992‏- yili uning üstidin chiqirilghan ölüm hökümi muddetsiz qamaq jazasigha özgertilgen.

Kishilik hoquq teshkilatlirining xewer qilishiche, xitayda hélimu tyen'enmin oqughuchilar herikitige qatnashqan 100 neper etrapida siyasiy pa'aliyetchi türmide yétiwatqan bolup, ularning köpinchisining salametlik ehwali nachar iken. 17 Yil türmide yatqandin kéyin, ötken yili qoyup bérilgen sabiq muxbir yü dungyü türmidiki qéyin-qistaqlar sewebidin eqlini yoqatqan.

Yü dungyü tyen'enmin oqughuchilar herikiti jeryanida mawzédungning tyen'enmin rawiqigha ésilghan resimige siya chachqanliqi üchün qolgha élin'ghan idi. (Ömer qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.