Хитай олимпик" мухбирлар қара тизимлики" пиланини инкар қилди


2007.11.13
Share on WhatsApp
Share on WhatsApp

Сәйшәнбә күни әнгилийә б б с радио ‏- телевизийисиниң хәвәр беришигә қариғанда, хитай ташқи ишлар министири лю җйәнчав, сәйшәнбә күни мухбирларни күтивелиш йиғинида, мухбирлар қара тизимликини инкар қилған. Лю җйәнчав сөзидә, " мухбирларниң архипини турғузуш пиланимиз йоқ, пәқәт салаһийәт тәкшүрүш вә тизимға елиштин ибарәт нормал қануний хизмәт тәртипимиз бар" дәп көрсәткән.

Дүшәнбә күни, җуңго күндилик гезитидә "хитайниң, олимпик җәрянида хитайға киридиған чәтәллик мухбирларниң архипи турғузғанлиқи һәққидә хәвәр берилгән иди, бу архип, чәтәл ахбарат органлири тәрипидин " мухбирлар қара тизимлики" дәп қарилип тәнқид қилинған иди.

Хитайниң олимпик тәйярлиқиға мәсул рәһбәрлиридин ли җаңҗүн билән, сун вейҗя, дәсләп, чәтәллик мухбирлар архипи турғузулғанлиқидин хәвири йоқлуқини билдүргән болсиму, арқидин, бирләшмә агентлиқиниң мухбири, хитай күндилик гезитидики хәвәрни көрсәткәндин кейин, " биз, чәтәллик мухбирларға ярдәмдә болуш учун пәқәт әқәллий мәлумат җәдвили" тәйярлидуқ", бу чәтәллик мухбирларни назарәт қилиш үчүн әмәс, пәқәт олимпик җәрянида сахта мухбирларниң һәрикитини вә қанунсиз тәшвиқат буюмлирини чәкләш; олимпик ахбаратчилири учун, очуқ, адил вә пакизә бир муһит яритиш үчүн " дәп изаһат бәргән.

Хитай күндилик гезитиниң дүшәнбә күнидики хәвиридә билдүрүлүшичә, хитайда елип берилидиған, олимпик тәнһәрикәт йиғин мәйдани ичи вә сиртида 30 миңчә мухбир ахбарат беридиған болуп, хитай ахбарат вә нәширят министирлиқи бу мухбирларниң архиплирини турғузуп болған. Бу йилиниң бешида хитай даирилири, чәтәл мухбирлириниң хитай ичидә хитайниң мунасивәтлик орунлириниң тәстиқини алмай турупму хитай ичидә әркин зиярәт елип баралайдиғанлиқи тоғрисида бәлгилимә елан қилған иди.

Һалбуки, хәлқара чегрисиз мухбирлар тәшкилати һәмдә кишилик һоқуқни көзитиш тәшкилатлириниң билдүрүшичә, гәрчә хитай олимпиктин бурун мухбирларниң хитай ичидә әркин һалда ахбарат игиләш әркинликигә игә болидиғанлиқи тоғрисида вәдә бәргән һәм шу һәқтә бир бәлгилимә елан қилған болсиму, хитай өз вәдисигә хилаплиқ қилмақта. (Гүлчеһрә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.