Хитай даирилири тор бетигә синалғу көрүнүшлирини чаплашни чәклиди

2008-01-04
Елхәт
Пикир
Share
Принт

Бирләшмә ахбарат агентлиқиниң хәвәр қилишичә, хитай даирилири шәхсий тор понкитлириға синалғу көрүнүшләрни чаплашни чәкләйдиған йеңи бәлгилимә елан қилған болуп, бу бәлгилимидә болупму шәхсләрниң башқурушидики аммиви тор понкитлириға синалғу көрүнүшләрни чаплашни чәклигән. Бәзи көзәткүчиләр бу бәлгилимә һөкүмәтниң радио - телевизор қаналлириға қаритилған чәклимини интернеткә кеңәйтиш йолидики бир қәдәм, дәп қаримақта.

Хәвәрләргә қариғанда бу бәлгилимә 1 - айниң 31 - күнидин башлап рәсмий йолға қоюлидиған болуп, бәлгилимидә синалғу көрүнүшләрни интернеткә чиқармақчи болғанлар пәқәт дөләт контроллуқидики тор понкитлириғила чаплиялайдикән. Лекин дөләтниң башқурушидики бу тор понкитлири мәсилә бар, дәп қаралған синалғу көрүнүшлирини дөләтниң мунасивәтлик аппаратлириға қәрәллик мәлум қилип туруши керәк. Бирләшмә ахбарат агентлиқи мәзкур бәлгилимә хитай дөләтлик радио - телевизийә- кино баш идариси вә учур министирлиқи тәрипидин рәсмий тәстиқланғанлиқини билдүрди.

Бәзи көзәткүчиләр, йеңи бәлгилимә уйғур илидики йәрлик тор бәтлиригә еғир зәрбә болидиғанлиқини, чүнки райондики уйғур тилида чиқидиған тор бәтләрниң мутләқ көп қисими шәхсләрниң башқурушидики аммиви тор бәтләр икәнликини әскәртмәктә. Бирләшмә ахбарат агентлиқиниң хәвиридә көрситишичә, йеңи бәлгилиминиң you tube синалғу тор понкитиға охшаш чәтәлдә тарқитилидиған, лекин хитайда көргили болидиған бәзи тор понкитлирини қандақ бир тәрәп қилидиғанлиқи мәлум әмәс икән. (Әркин)

Пикирләр (0)
Share
Толуқ бәт