Xitay da'iriliri tor bétige sin'alghu körünüshlirini chaplashni cheklidi


2008-01-04
Share

Birleshme axbarat agéntliqining xewer qilishiche, xitay da'iriliri shexsiy tor ponkitlirigha sin'alghu körünüshlerni chaplashni chekleydighan yéngi belgilime élan qilghan bolup, bu belgilimide bolupmu shexslerning bashqurushidiki ammiwi tor ponkitlirigha sin'alghu körünüshlerni chaplashni chekligen. Bezi közetküchiler bu belgilime hökümetning radi'o - téléwizor qanallirigha qaritilghan cheklimini intérnétke kéngeytish yolidiki bir qedem, dep qarimaqta.

Xewerlerge qarighanda bu belgilime 1 - ayning 31 - künidin bashlap resmiy yolgha qoyulidighan bolup, belgilimide sin'alghu körünüshlerni intérnétke chiqarmaqchi bolghanlar peqet dölet kontrolluqidiki tor ponkitlirighila chapliyalaydiken. Lékin döletning bashqurushidiki bu tor ponkitliri mesile bar, dep qaralghan sin'alghu körünüshlirini döletning munasiwetlik apparatlirigha qerellik melum qilip turushi kérek. Birleshme axbarat agéntliqi mezkur belgilime xitay döletlik radi'o - téléwiziye- kino bash idarisi we uchur ministirliqi teripidin resmiy testiqlan'ghanliqini bildürdi.

Bezi közetküchiler, yéngi belgilime Uyghur ilidiki yerlik tor betlirige éghir zerbe bolidighanliqini, chünki rayondiki Uyghur tilida chiqidighan tor betlerning mutleq köp qisimi shexslerning bashqurushidiki ammiwi tor betler ikenlikini eskertmekte. Birleshme axbarat agéntliqining xewiride körsitishiche, yéngi belgilimining you tube sin'alghu tor ponkitigha oxshash chet'elde tarqitilidighan, lékin xitayda körgili bolidighan bezi tor ponkitlirini qandaq bir terep qilidighanliqi melum emes iken. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet