Lopnur rayonida 70 milyon tonniliq kali zapisi bayqaldi

Xewerlerge qarighanda, xitay 9 yildin buyan izchil dawamlashturup kéliwatqan yer'asti bayliq menbelirini qidirip tekshürüsh jeryanida yene 800 xil minéral maddilar zapisini bayqighan bolup, bularning ichidiki eng zor kölemlik minéral bayliqi Uyghur élide bayqalghan.

Stilgru'u xewerler torida körsitilishiche, bu jeryanda xitay 60 orunda chong we ottura kölemdiki menden kanlirini bayqighan bolup, bularning ichide Uyghur élining lopnur rayonidin yéngidin bayqalghan 70 milyon tonniliq kali zapisi eng zor kölemdiki minéral maddilar zapisi bolup, shuning bilen Uyghur ili xitayning kali ishlepchiqirish sana'itidiki hel qilghuch bazigha aylinip qalghan.

Melum bolushiche, hazir xitayda 350 milyon tonna etrapida kali zapisi bayqalghan bolup, Uyghur élide bayqalghan kali zapisi pütün xitay miqyasida bayqalghan kali zapisini 5 den bir qismigha barawer kélidu.

Bu nöwet bayqalghan bayliqlar ichide tibettin 10 milyon tonna mis zapisi bayqalghan bolup, bu tibetni xitaydiki eng chong mis kani belwéghigha aylandurghan.

Chet'ellerdiki Uyghur, tibet pa'aliyetchiliri xitay hökümitining bu rayondiki yer asti ‏- yer üsti bayliqlirini talan ‏- taraj qilish bilen birge, muhitni bulghawatqanliqini hemde yerlik ahalige qilchimu menpe'et yetküzmigenlikini shikayet qilmaqta. (Jüme)