Хитайдики10 нәпәр адвукат бирликтә вақитлиқ турушлуқ кинишкисини йоқ қилишни тәләп қилди

Гәрчә үрүмчини өз ичигә алған бир қисим шәһәрләрдә вақитлиқ олтурақ түзүми йоқ қилинған болсиму, бейҗиң қатарлиқ бир қисим чоң шәһәрләрдә бу хил түзүм йәнила бикар қилинмиған. Болупму бейҗиң шәһиридә, һәр йили байрам мәзгиллириниң йетип келиши билән, вақитлиқ турушлуқ кинишкиси йоқ болғанлар давамлиқ сақчилар тәрипидин сүрүштә қилинип, өз юртлириға қайтуриветилиду. Мәсилән яққа ютлардин бейҗиңға берип юқирилап әрз қилғучилар давамлиқ бу хил әһвалға дуч кәлмәктә.

Йеқинда, хитайниң хенән өлкисидики 10 нәпәр адвокат хитай хәлқ қурултийиға мәхсус хәт йезип, бу хил вақитлиқ олтурақ түзүмини пүтүнләй йоқ қилишни тәләп қилди.

10 Нәпәр адукатниң хәлқ қурултийиға язған хетида көрситилишичә, вақитлиқ олтурақ түзүмини йүргүзүш хитайниң асасий қануниға хилаплиқ қилғанлиқ шундақла пуқраларниң һоқуқ мәнпәәтигә зор дәхли йәткүзгәнлик икән. Бу хил түзүм түпәйлидин келип чиққан кәмситиш мәсилиси кишиләрниң қаттиқ наразилиқини қозғиған.

Көплигән мутәхәссисләр "хитай һөкүмитиниң бир қисим шәһәрләрдә та һазирға қәдәр вақитлиқ олтурақ түзүмини йүргүзиватқанлиқи хитай мәмури иҗазәт қануниға хилаплиқ қилғанлиқла болуп қалмай, граҗданлиқ һоқуққиму хилаплиқ қилғанлиқ. Бу хил түзүм түпәйлидин, нурғунлиған паҗиәлик вәқәләр йүз бәрмәктә. Шундақла бу хил түзүм һазир йәрлик һөкүмәтниң пул тепиш қуралиға айланған" дәп билдүрмәктә. (Меһрибан)