Xitaydiki10 neper adwukat birlikte waqitliq turushluq kinishkisini yoq qilishni telep qildi


2006.12.27
Share on WhatsApp
Share on WhatsApp

Gerche ürümchini öz ichige alghan bir qisim sheherlerde waqitliq olturaq tüzümi yoq qilin'ghan bolsimu, béyjing qatarliq bir qisim chong sheherlerde bu xil tüzüm yenila bikar qilinmighan. Bolupmu béyjing shehiride, her yili bayram mezgillirining yétip kélishi bilen, waqitliq turushluq kinishkisi yoq bolghanlar dawamliq saqchilar teripidin sürüshte qilinip, öz yurtlirigha qayturiwétilidu. Mesilen yaqqa yutlardin béyjinggha bérip yuqirilap erz qilghuchilar dawamliq bu xil ehwalgha duch kelmekte.

Yéqinda, xitayning xénen ölkisidiki 10 neper adwokat xitay xelq qurultiyigha mexsus xet yézip, bu xil waqitliq olturaq tüzümini pütünley yoq qilishni telep qildi.

10 Neper adukatning xelq qurultiyigha yazghan xétida körsitilishiche, waqitliq olturaq tüzümini yürgüzüsh xitayning asasiy qanunigha xilapliq qilghanliq shundaqla puqralarning hoquq menpe'etige zor dexli yetküzgenlik iken. Bu xil tüzüm tüpeylidin kélip chiqqan kemsitish mesilisi kishilerning qattiq naraziliqini qozghighan.

Köpligen mutexessisler "xitay hökümitining bir qisim sheherlerde ta hazirgha qeder waqitliq olturaq tüzümini yürgüziwatqanliqi xitay memuri ijazet qanunigha xilapliq qilghanliqla bolup qalmay, grajdanliq hoquqqimu xilapliq qilghanliq. Bu xil tüzüm tüpeylidin, nurghunlighan paji'elik weqeler yüz bermekte. Shundaqla bu xil tüzüm hazir yerlik hökümetning pul tépish quraligha aylan'ghan" dep bildürmekte. (Méhriban)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.