Wén jyabawning yawropa we rusiye ziyariti kéchiktürüldi


2005.09.23

Fransiye axbarat agéntliqining ashkarilishiche, xitay bash ministiri wén jyabawning kéler ayda yawropa bilen rusiyige qilidighan ziyariti kéchiktürülgen.

Wén jyabaw, 10 - ayning otturilirida fransiye, rusiye, chix, slowiniye we portigaliyilerni ziyaret qilmaqchi idi. Emma xitay hökümiti yéqinda wén jyabawning ziyaritini kéchiktürgen. Béyjing da'iriliri ziyaretning kéchiktürülüsh sewebini wén jyabawning "bashqa muhim dölet ishliri chiqip qaldi" dep chüshendürmekte.

Fransiye axbarat agéntliqining eskertishiche, béyjing hökümiti tilgha alghan "bashqa muhim dölet ishliri" ning némidin bisharet béridighanliqi hazirche melum emesken. Fransiye axbarat agéntliqi ikki xil ihtimalliqning barliqini ilgiri sürdi. Biri, kéler ayda xitay kompartiyisi merkizi komitétining muhim bir yighini chaqirilishi mumkin. Ikkinchisi, xitay bu yil 10 - ayda 2 - qétim alem kémisi qoyup bérishke teyyarliniwatqan bolushi mumkin. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.