Вин җиябав киләр һәптә русийидә шаңхәй һәмкарлиқ тәшкилатиниң бихәтәрлик йиғиниға ‎қатнишиду


2005.10.20
Share on WhatsApp
Share on WhatsApp

Хитай ташқи ишлар министирлиқиниң билдүрүшичә, хитай баш министири вин җябав келәр ‎чаршәнбә күни шаңхәй һәмкарлиқ тәшкилатиниң бихәтәрлик йиғиниға қатнишиш ‎үчүн русийигә бариду. ‎

Ройтирс агентлиқниң хәвиригә қариғанда, хитай вә русийиниң йетәкчиликидики шаңхәй ‎һәмкарлиқ тәшкилатиға әза дөләтләрниң баш минситирлири төтинчи қетимлиқ учришишиниң ‎асаслиқ күнтәртиби техи елан қилинмиған. ‎

Шаңхәй һәмкарлиқ тәшкилати, бу йил 7 - айдики йиғинида, америка қисимлириниң ‎өзбекистандики һава армийә базисидин чекинип чиқип кетишни тәләп қилған иди. ‎

Хәвәрдә ейтилишичә, хитай мәзкур тәшкилатта йетәкчи рол ойнаватқан болуп, у әзалар ‎арисидики иқтисадий мунасивәтни күчәйтишни тәшәббус қилипла қалмай йәнә мустәқил ‎шәрқий түркистан дөлити қурушни истәватқан гуруппиларни бастуруш җәһәттики һәмкарлиқни ‎күчәйтишкә алаһидә әһмийәт бәрмәктә. ‎

Шаңхәй һәмкарлиқ тәшкилати чегра бихәтәрликини қоғдаш намида қурулғандин буян, ‎өз тәсир даирисини кеңәйтишкә урунмақта. Болупму 11 - сентәбир вәқәсидин кийин, хитай ‎вә русийә шаңхәй һәмкарлиқ тәшкилати арқилиқ америкиниң оттура асиядики тәсиригә ‎тақабил турушни истимәктә. (Арзу)‎

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.