Win jiyabaw kiler hepte rusiyide shangxey hemkarliq teshkilatining bixeterlik yighinigha ‎qatnishidu


2005.10.20
Share on WhatsApp
Share on WhatsApp

Xitay tashqi ishlar ministirliqining bildürüshiche, xitay bash ministiri win jyabaw kéler ‎charshenbe küni shangxey hemkarliq teshkilatining bixeterlik yighinigha qatnishish ‎üchün rusiyige baridu. ‎

Roytirs agéntliqning xewirige qarighanda, xitay we rusiyining yétekchilikidiki shangxey ‎hemkarliq teshkilatigha eza döletlerning bash minsitirliri tötinchi qétimliq uchrishishining ‎asasliq küntertibi téxi élan qilinmighan. ‎

Shangxey hemkarliq teshkilati, bu yil 7 - aydiki yighinida, amérika qisimlirining ‎özbékistandiki hawa armiye bazisidin chékinip chiqip kétishni telep qilghan idi. ‎

Xewerde éytilishiche, xitay mezkur teshkilatta yétekchi rol oynawatqan bolup, u ezalar ‎arisidiki iqtisadiy munasiwetni kücheytishni teshebbus qilipla qalmay yene musteqil ‎sherqiy türkistan döliti qurushni istewatqan guruppilarni basturush jehettiki hemkarliqni ‎kücheytishke alahide ehmiyet bermekte. ‎

Shangxey hemkarliq teshkilati chégra bixeterlikini qoghdash namida qurulghandin buyan, ‎öz tesir da'irisini kéngeytishke urunmaqta. Bolupmu 11 - séntebir weqesidin kiyin, xitay ‎we rusiye shangxey hemkarliq teshkilati arqiliq amérikining ottura asiyadiki tesirige ‎taqabil turushni istimekte. (Arzu)‎

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet