Wén jyabaw misirni ziyaret qildi


2006.06.18

Afriqidiki bir heptilik ziyaritini dawam qiliwatqan xitay bash ministiri wén jyabaw misirgha kélip, misir prézidénti hösni mubarek bilen körüshti hemde ikki terepning soda munasiwitini kücheytish toghrisida söhbetleshti.

Buning aldida wén jyabaw qahirede misir bash ministiri muhemmed nazif bilen néfit, tebi'iy gaz, sayahet we uchur-alaqe qatarliq sahelerdin bolup 10 tülük soda hemkarliq kélishimini maqullidi. Shundaqla wén jyabaw misirgha yene 50 ming amérika dolliri qerz pul bérip turushqa maqul bolghan. Xitay bilen misirning ötken yilliq soda sommisi 2 milyard amérika dollirigha yetken.

Wén jyabaw bu qétimliq sepiride yene gan'go, jenubiy afriqa, gana, tanzaniye qatarliq afriqidiki 7 döletni ziyaret qilmaqchi. Siyasiy analizchilar xitayning dölet ichidiki iqtisadiy tereqqiyatqa egiship künsayin éshiwatqan énérgiye éhtiyajini qandurush üchün afriqa elliri bilen bolghan munasiwetni kücheytiwatqanliqini körsetmekte. Emma wén jyabaw bu qarashni inkar qildi.

Xitay emeldarlirining afriqigha qaratqan ziyariti yéqinqi yillardin buyan köp élip bérilghan bolup, buningdin téxi ikki ay ilgiri xitay re'isi xu jintaw afriqa döletlirini ziyaret qilip ketken idi. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.