Вен җябав җәнубий африқини зиярәт қилди


2006.06.21
Share on WhatsApp
Share on WhatsApp

Хитай баш министири вен җябав африқидики зияритидә чаршәнбә күни җәнубий африқиға келип, дөләт президенти табо меки билән икки дөләт оттурисидики сиясий вә иқтисадий мунасивәтни күчәйтиш тоғрсида сөһбәтләшти.

Америка бирләшмә агентлиқиниң хәвәр қилишичә, вен җябав җәнубий африқидики 2 күнлүк зиярити давамида, башқа сиясий рәһбәрләр вә сода вәкиллири билән көрүшүп, бир қатар сода келишимлирини түзидикән. Җәнубий африқа президенти хитайниң бу йәрдики ачарчилиқ вә чириклик әһваллирини һәл қилишта пайдилиқ рол ойнишини үмид қилидиғанлиқини билдүрди.

Вен җябав бу қетимлиқ африқидики 7 дөләт зияритидә, мисир, гана, канго қатарлиқ дөләтләрни зиярәт қилип болған һәмдә җәнубий африқидин кейин танзанийә вә угандаға баридикән. Вен мисирға 5 милйон америка доллири қәрз бәрди һәмдә ганада 66 милйон америка доллирилиқ сода келишимлирини имзалиди.

Хитай һөкүмити өткәнки 10-20 йилни африқа дөләтлири билән сода алақә вә мунасивәт орнитишқа сәрп қилди. Шундақла дөләт рәһбәрлирини давамлиқ африқиға зиярәткә әвәтти. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.