Wén jyabaw jenubiy afriqini ziyaret qildi


2006.06.21
Share on WhatsApp
Share on WhatsApp

Xitay bash ministiri wén jyabaw afriqidiki ziyaritide charshenbe küni jenubiy afriqigha kélip, dölet prézidénti tabo méki bilen ikki dölet otturisidiki siyasiy we iqtisadiy munasiwetni kücheytish toghrsida söhbetleshti.

Amérika birleshme agéntliqining xewer qilishiche, wén jyabaw jenubiy afriqidiki 2 künlük ziyariti dawamida, bashqa siyasiy rehberler we soda wekilliri bilen körüshüp, bir qatar soda kélishimlirini tüzidiken. Jenubiy afriqa prézidénti xitayning bu yerdiki acharchiliq we chiriklik ehwallirini hel qilishta paydiliq rol oynishini ümid qilidighanliqini bildürdi.

Wén jyabaw bu qétimliq afriqidiki 7 dölet ziyaritide, misir, gana, kan'go qatarliq döletlerni ziyaret qilip bolghan hemde jenubiy afriqidin kéyin tanzaniye we ugandagha baridiken. Wén misirgha 5 milyon amérika dolliri qerz berdi hemde ganada 66 milyon amérika dolliriliq soda kélishimlirini imzalidi.

Xitay hökümiti ötkenki 10-20 yilni afriqa döletliri bilen soda alaqe we munasiwet ornitishqa serp qildi. Shundaqla dölet rehberlirini dawamliq afriqigha ziyaretke ewetti. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.