Xénendiki bir kömür kan weqeside az digende 62 adem öldi

Xitayning xénen ölkisi shinmi shehiridiki bir kömür kanda charshenbe küni kechte shiddetlik gaz partlash weqesi yüz bérip, hazirghiche az dégende 62 adem öldi, yene 80 din artuq kan ishchisining iz- dériki tépilmidi.

Radiyomiz xitay bölimining igiligen melumatlirigha qarighanda, weqe yüz bergen kan jénméy kömür kan gorohigha tewe daping kömür kéni iken. Kan quduqi astidiki gaz zichliqining iship kétishige hawa ötüshüsh séstimisining toghra bashqurulmighanliqi seweb bolsa, partlashni keltürüp chiqarghan seweb tok saymanlirining konirishidin chaqmaq chiqip ketken bolishi momkin iken.

Weqe yüz bergende kan astida 446 adem meshghulat élip bériwatqan bolup, ulardin 298 i qéchip chiqalighan. Hazirghiche 62 ishchining jesiti tépilghan. Qalghan 86 ademning ölük - tirikliki melum emes. Kan da'iriliri iz dériki bolmighanlarning hayat qélish ihtimalliqining asasen yoqliqini bildürmekte.

Radi'oyimizning igiligen melumatlirigha qarighanda, qazagha yoluqqan ishchilarning köpinchisi yallanma déhqanlar bolup, kan da'iriliri weqege yoluqqan ishchilarning a'ililirini orunlashturiwatqanliqini bildürgen. Emma hazirghiche iz dériki tépilmighan kan ishchisi juwxüyyüning ayali, kan da'irilirining ularning halidin xewer almighanliqini körsetken.

Bu qétimqi weqe, xitayda yéqinqi bir nechche yil ichide yüz bergen eng éghir bir qétimliq kan weqesi bolup hésablinidu. (Arzu)