خىتاينىڭ خېنەن ئۆلكىسىدە يۈز بەرگەن كۆمۈركان پارتلاش ۋەقەسىدە ئولگەنلەرنىڭ سانى 66 گە يەتتى


2004-10-22
Share

خىتاينىڭ خېنەن ئۆلكىسىدىكى داپىڭ كۆمۈر كېنىدا يۈز بەرگەن پارتلاش ۋەقەسىدە ئۆلگەنلەرنىڭ سانى ئاز دىگەندە 66 گە يەتتى. كان ئاستىدىكى 82 ئادەمنىڭ ھازىرغا قەدەر ئىز دېرىكى تېپىلمىدى.

ۋەقە يۈز بەرگەن داپىڭ كۆمۈر كېنى خېنەننىڭ شىنمىن شەھىرىدە بولۇپ، مەزكۇر كان خىتاينىڭ جىنمېي گۇرۇھىغا قاراشلىق كۆمۈر كانلارنىڭ بىرى ئىدى. ۋەقە چارشەنبە كۈنى سائەت 22:00 ئەتراپىدا يۈز بەرگەن. پارتىلاشنىڭ كان ئاستىكى كۆمۈر گازىنىڭ قويۇقلۇق دەرىجىسى ئېئىشىپ كېتىش نەتىجىسىدە كېلىپ چىققانلىقى ئىلگىرى سۈرۈلمەكتە. ۋەقە يۈز بەرگەندە كان ئاستىدا 446 ئىشچى مەشغۇلات ئېلىپ بېرىۋاتاتتى.

ۋەقەدىن كېيىن 148 ئىشچى كان ئاستىدا قامىلىپ قالغان. كان ئاستىدا قالغان ئىشچىلارنىڭ 66 نەپىرى ئۆلگەن. 82 نەپەر ئىشچىنىڭ ئۆلۈك - تىرىكلىكى ھازىرغا قەدەر مەلۇم ئەمەس. ھۆكۈمەت دائىرىلىرى، كان ئاستىدىكىلەرنىڭ ھايات قېلىش ئىھتىماللىقى ئاز، دەپ قارىماقتا.

ۋەقە يۈز بەرگەندىن كېيىن جىنجوۋ شەھەرلىك جامائەت خەۋپسىزلىك ئىدارىسى نەق مەيداننى قامال قىلىپ، مۇخبىرلارنىڭ كان رايونىغا كىرىشىنى چەكلىگەن. ھۆكۈمەت دائىرىلىرى ھادىسىگە ئۇچرىغان ئىشچىلارنى قۇتقۇزۇش ئۈچۈن نەچچە مىڭ ئادەمنى سەپەرۋەر قىلدى. بۇ ۋەقە مۇشۇ بىر يىل ئىچىدىكى خىتايدا يۈز بەرگەن ئەڭ ئېغىر كۈمۈر كان پارتلاش ۋەقەسى بولۇپ ھىساپلىنىدۇ. (ئەركىن)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت