Xitayning xénen ölkiside yüz bergen kömürkan partlash weqeside olgenlerning sani 66 ge yetti

Xitayning xénen ölkisidiki daping kömür kénida yüz bergen partlash weqeside ölgenlerning sani az digende 66 ge yetti. Kan astidiki 82 ademning hazirgha qeder iz dériki tépilmidi.

Weqe yüz bergen daping kömür kéni xénenning shinmin shehiride bolup, mezkur kan xitayning jinméy guruhigha qarashliq kömür kanlarning biri idi. Weqe charshenbe küni sa'et 22:00 etrapida yüz bergen. Partilashning kan astiki kömür gazining qoyuqluq derijisi é'iship kétish netijiside kélip chiqqanliqi ilgiri sürülmekte. Weqe yüz bergende kan astida 446 ishchi meshghulat élip bériwatatti.

Weqedin kéyin 148 ishchi kan astida qamilip qalghan. Kan astida qalghan ishchilarning 66 nepiri ölgen. 82 Neper ishchining ölük - tirikliki hazirgha qeder melum emes. Hökümet da'iriliri, kan astidikilerning hayat qélish ihtimalliqi az, dep qarimaqta.

Weqe yüz bergendin kéyin jinjow sheherlik jama'et xewpsizlik idarisi neq meydanni qamal qilip, muxbirlarning kan rayonigha kirishini chekligen. Hökümet da'iriliri hadisige uchrighan ishchilarni qutquzush üchün nechche ming ademni seperwer qildi. Bu weqe mushu bir yil ichidiki xitayda yüz bergen eng éghir kümür kan partlash weqesi bolup hisaplinidu. (Erkin)