Хитайда һәр хил санаәт вәқәлири көп йүз бәрмәктә


2005.06.09
Share on WhatsApp
Share on WhatsApp

Хитайниң җяңши өлкиси йичүн шәһиридики бир һарақ завутида пәйшәнбә күни аммияк гезиниң қечиш вәқәси йүз берип, 100 дәк кишиниң зәһәрлинишини кәлтүрүп чиқарған.

Америка бирләшмә ахбарат агентлиқиниң хәвиригә қариғанда, вәқә завуттики аммияк газ турубисиниң конирап йерилишидин келип чиққан. Вәқә йүз бәргәндә аммияк гезиниң аччиқ пуриқи әтирапқа тарилип, завутта ишләватқан 100 тин артуқ кишидә көңүл елишиш вә баш қейиштәк аламәтләрни кәлтүрүп чиқарған.

Завут әтрапидики 2000 дәк аһалиму вәқәдин кийин җиддий тарқақлаштурулған. Зәһәрлик газниң қечиши йерим саәтләрдин кийин контрол қилинған.

Буниң алдидила, хитайда бир йүрүш кан партлаш вәқәлири йүз бәргән. Көмүр вә алтун канлирида йүз бәргән вәқәләрдә аз дигәндә 36 киши өлгән иди. Хитайда санаәт вәқәлири көп йүз беридиған болуп, нурғунлири бихәтәрлик үскүнлириниң толуқ болмиғанлиқидин келип чиққан. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.