Xitayda her xil sana'et weqeliri köp yüz bermekte

Xitayning jyangshi ölkisi yichün shehiridiki bir haraq zawutida peyshenbe küni ammiyak gézining qéchish weqesi yüz bérip, 100 dek kishining zeherlinishini keltürüp chiqarghan.

Amérika birleshme axbarat agéntliqining xewirige qarighanda, weqe zawuttiki ammiyak gaz turubisining konirap yérilishidin kélip chiqqan. Weqe yüz bergende ammiyak gézining achchiq puriqi etirapqa tarilip, zawutta ishlewatqan 100 tin artuq kishide köngül élishish we bash qéyishtek alametlerni keltürüp chiqarghan.

Zawut etrapidiki 2000 dek ahalimu weqedin kiyin jiddiy tarqaqlashturulghan. Zeherlik gazning qéchishi yérim sa'etlerdin kiyin kontrol qilin'ghan.

Buning aldidila, xitayda bir yürüsh kan partlash weqeliri yüz bergen. Kömür we altun kanlirida yüz bergen weqelerde az digende 36 kishi ölgen idi. Xitayda sana'et weqeliri köp yüz béridighan bolup, nurghunliri bixeterlik üskünlirining toluq bolmighanliqidin kélip chiqqan. (Arzu)