Шәрқий деңизда парахот соқушуп кетиш вәқәси йүз бәрди

Хитайниң шәрқий деңиз қирғиқидики җеҗаң өлкисиниң тәйҗоу шәһири йенида хитай йүк парахоти билән камбодҗа йүк парахоти соқушуп кетип, нәтиҗидә камбодҗа байриқини асқан мәзкур парадох чөкүп кәткән һәмдә 20 нәпәр матрос из дерәксиз йоқалған.

Әнгилийә радио ширкитиниң учурлириға асасланғанда, хитай үч данә чарлиғучи парахот вә икки данә қутқузуш парахоти һәмдә тик учар айропилан чиқирип, қутқузуш елип барған.

Йоқап кәткән матросларниң 19 нәпири хитай пуқраси, бир нәпири һиндистан пуқраси икән. Чөкүп кәткән чәтәл парахоти 6500 тонна йүк басқан болуп, хитай парахотида 17 миң тонна йүк бар икән. Чәтәл парахоти вйетнамға қарап йолға чиққан икән. (Үмидвар)