Рабийә ханимниң нобил мукапати намзатлиқини хәвәр қилған муһәррир вәзиписидин елип ташланди

Уйғур миллий һәрикитиниң рәһбири вә уйғур америка бирләшмисиниң рәиси рабийә қадир ханимниң 2006‏- йиллиқ нобел тинчлиқ мупакатиға намзат көрситилгәнликини хитай хәлқиғә хәвәр қилған, ваң йи торбетиниң муһәррири вәзиписдин елип ташланди.

Хәвәрләргә қариғанда, гәрчә мәзкур муһәррир, ваң йи торбетидә, әгәр қайтидин тоғулсиңиз хитай болушни халамсиз? дегән темида рай синаш елип берип униң нәтиҗисини торбетидә елан қилғанлиқи үчүн вәзиписидин қоғланди қилинған болсиму, әмма сиясий мулаһизичиләр, униң хитай ташқи ишлар министирлиқиниң баянатчисиниң рабийә қадир ханимниң нобел мукапатиға намзат көрситилгәнлики тоғрисидики сөзлирини торбетидә елан қилғанлиқини, униң вәзиписидин елип ташланғанлиқидики әң муһим сәвәбләрниң бири қилип көрсәтмәктә.

Хитай ташқи ишлар министирлиқи баянатчисиниң рабийә қадир ханимниң нобел мукапатиға намзат көрситилгәнликигә қарши бәргән баянати, хитай мәтбуатиға әмәс, чәтәл мухбирилириға қаритилған икән. Лекин ваң йи тор бетиниң муһәррири, хитай ташқи ишлар министирлиқи баянатчисиниң рабийә ханим тоғрисида чәтәл мәтбуатиға бәргән баянатини тор бетидә елан қилиш арқилиқ хитай хәлқини уйғур миллий һәрикитиниң рәһбири рабийә қадир ханимниң бу йилқи нобел тинчлиқ мукапатиға намзат көрситилгәнлкидин хәвәрдар қилған. (Қанат)