Rabiye xanimning nobil mukapati namzatliqini xewer qilghan muherrir wezipisidin élip tashlandi


2006-09-22
Share

Uyghur milliy herikitining rehbiri we Uyghur amérika birleshmisining re'isi rabiye qadir xanimning 2006‏- yilliq nobél tinchliq mupakatigha namzat körsitilgenlikini xitay xelqighe xewer qilghan, wang yi torbétining muherriri wezipisdin élip tashlandi.

Xewerlerge qarighanda, gerche mezkur muherrir, wang yi torbétide, eger qaytidin toghulsingiz xitay bolushni xalamsiz? dégen témida ray sinash élip bérip uning netijisini torbétide élan qilghanliqi üchün wezipisidin qoghlandi qilin'ghan bolsimu, emma siyasiy mulahizichiler, uning xitay tashqi ishlar ministirliqining bayanatchisining rabiye qadir xanimning nobél mukapatigha namzat körsitilgenliki toghrisidiki sözlirini torbétide élan qilghanliqini, uning wezipisidin élip tashlan'ghanliqidiki eng muhim seweblerning biri qilip körsetmekte.

Xitay tashqi ishlar ministirliqi bayanatchisining rabiye qadir xanimning nobél mukapatigha namzat körsitilgenlikige qarshi bergen bayanati, xitay metbu'atigha emes, chet'el muxbirilirigha qaritilghan iken. Lékin wang yi tor bétining muherriri, xitay tashqi ishlar ministirliqi bayanatchisining rabiye xanim toghrisida chet'el metbu'atigha bergen bayanatini tor bétide élan qilish arqiliq xitay xelqini Uyghur milliy herikitining rehbiri rabiye qadir xanimning bu yilqi nobél tinchliq mukapatigha namzat körsitilgenlkidin xewerdar qilghan. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet