Хитай даирилири харбинда шәһәр бойичә төт күн су тохтайдиғанлиқини җакарлиди


2005.11.22

Хитайниң харбин шәһәрлик һөкүмәт даирилири суң хуаҗяң дәрясиниң химийилик маддилардин булғиниш еһтималини көздә тутуп, харбин шәһиридә 22 - ноябир кәч саәт 8 дин башлап шәһәр бойичә 4 күн су тохтайдиғанлиқини елан қилди.

Харбин шәһәрлик һөкүмәт даирилириниң елан қилишичә, су тохташ вәқәсигә суң хуаҗяң дәрясиниң юқири еқимидики бир нефит - химийә завутида йүз бәргән партлаш вәқәси сәвәб болған.

Бу йил 11 - айниң 13 - күни суң хуаҗяң дәрясиниң юқири еқимиға җайлашқан җуңго нефит ширкитигә қарашлиқ җи хуа нефит - химийә завутида партлаш вәқәси йүз бәргән. Партлаш вәқәсидә 5 адәм өлгән. Завут, суң хуаҗяң дәрясидин бир қанчә йүз метир йирақта болуп, мәзкур дәря харбин шәһирини ичимлик су билән тәминләйдиған асаслиқ су мәнбәси иди.

Хитай муһит қоғдаш даирилириниң пәрәз қилишичә, суң хуаҗяң дәрясиниң харбиндин өтидиған қисмида һазирғичә химийиви булғиниш аламәтлири байқалмиған болсиму, бирақ дәря сүйиниң йеқин арида булғиниш мүмкинчилики бар, дәп қаралмақта.

Ройтерс ахбарат агентлиқиниң хәвәр қилишичә, пуқралар бәс - бәс билән ичимлик су сетивалмақта шундақла йәр тәврәйдиғанлиқи тоғрисида сөзـ чөчәкләр тарқилип, нурғун кишиләр талада яки бихәтәр, дәп қариған йәрләрдә түнимәктикән. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.