Xitay da'iriliri xarbinda sheher boyiche töt kün su toxtaydighanliqini jakarlidi

Xitayning xarbin sheherlik hökümet da'iriliri sung xu'ajyang deryasining ximiyilik maddilardin bulghinish éhtimalini közde tutup, xarbin shehiride 22 - noyabir kech sa'et 8 din bashlap sheher boyiche 4 kün su toxtaydighanliqini élan qildi.

Xarbin sheherlik hökümet da'irilirining élan qilishiche, su toxtash weqesige sung xu'ajyang deryasining yuqiri éqimidiki bir néfit - ximiye zawutida yüz bergen partlash weqesi seweb bolghan.

Bu yil 11 - ayning 13 - küni sung xu'ajyang deryasining yuqiri éqimigha jaylashqan junggo néfit shirkitige qarashliq ji xu'a néfit - ximiye zawutida partlash weqesi yüz bergen. Partlash weqeside 5 adem ölgen. Zawut, sung xu'ajyang deryasidin bir qanche yüz métir yiraqta bolup, mezkur derya xarbin shehirini ichimlik su bilen teminleydighan asasliq su menbesi idi.

Xitay muhit qoghdash da'irilirining perez qilishiche, sung xu'ajyang deryasining xarbindin ötidighan qismida hazirghiche ximiyiwi bulghinish alametliri bayqalmighan bolsimu, biraq derya süyining yéqin arida bulghinish mümkinchiliki bar, dep qaralmaqta.

Roytérs axbarat agéntliqining xewer qilishiche, puqralar bes - bes bilen ichimlik su sétiwalmaqta shundaqla yer tewreydighanliqi toghrisida sözـ chöchekler tarqilip, nurghun kishiler talada yaki bixeter, dep qarighan yerlerde tünimektiken. (Erkin)