Харбинда су билән тәминләш әслигә кәлди
2005.11.28
Йәкшәнбә күни хитайниң харбин шәһиригә қайтидин су берилишкә башлиди. Шәһәрлик һөкүмәт өткән сәйшәнбә күни җелиндики бир химийә завутида мәйданға кәлгән бир партлаш нәтиҗисидә, суңхуаҗяң дәрясидики булғиниш сәвәбидин харбин шәһиридә су тарқитишни тохтатқан иди. Мәзкур партлаш вәқәсидә 5 киши өлгән болуп, һөкүмәт райондин 10миң кишини башқа йәрләргә йүткигән иди.
Хелуңҗяң өлкиси тәшвиқат идариси баянатчисиниң ейтишичә, елип берилған тәкшүрүш нәтиҗисидә судики химийивий маддиларниң нсбити нормал сәвийигә иришкән , шуңа харбин шәһәрлик һөкүмәт су тарқитиш ишини қайтидин башлашни қарар қилған.
Һөкүмәт дәсләптә вәқәни хәлқтин йошуруп, дәря сүйигә қандақ химийилик маддиларниң қуюлуп кәткәнликини ашкарилимиди. Лекин вәқәдин бир нәччә күн өткәндин кейин суңхуаҗяң дәрясиға 100 тонна бинзол маддисиниң арилишип кәткәнликини елан қилди.
Хәвәрләргә қариғанда, шәнбә күни харбин шәһирини зиярәт қилған хитай баш министири вин җя бав вәқә үстидин җиддий тәкшүрүш елип берилидиғанлиқини тәкитләп, харбин һөкүмәт даирилирини пүтүн шәһәр аһалисини су билән тәминләшкә чақирди.
Америка бирләшмә агентлиқиниң хәвәр қилишичә, харбинда йүз бәргән су ниң болғиниш вәқәси муһит булғинишиниң алдини елишни өзиниң нишанлиридин бири дәп елан қилған хитай дөләт рәиси хуҗинтавниң инавитигә бир зәрбә һисаблинидикән.
Шундақла шәнбә күни хитай ташқи ишлар минстири, бейҗиңда турушлуқ русийиниң баш әлчисидин, суңхуаҗяң дәрясидики булғинишниң русийигә кәлтүргән зийини түпәйлидин русийә һөкүмитидин кәчүрүм сориди. (Қанат)
Мунасивәтлик мақалилар
- Суңхуаҗяңниң булғиниш вәқәси хитайниң гүллинишиниң қараңғу тәрипини көрситиду
- Хитайниң харбин шәһири дәря сүйиниң булғиниш тәһдити астида қалди
- Хитай даирилири харбинда шәһәр бойичә төт күн су тохтайдиғанлиқини җакарлиди
- Хитайда йәр үсти сүйиниң 25 % булғинишқа учриған
- Хейлоңҗяңдики кәлкүндә өлгәнләрниң сани 91 ға йәтти