Америка хитайға хәлқ пулиниң қиммитини көтүрүш һәққидә бесим ишлитишни ойлашмақта


2005-02-03
Share

Америка дөләт мәҗлиси кеңәш палатаси, әгәр бейҗиң һөкүмити хәлқ пулиниң қиммитини көтүрмисә һәмдә америка доллириға болған бесимни азайтмиса, хитайдин импорт қилинидиған малларға қаритилған таможна беҗини өстүрүшни ойлашмақта.

Америка бирләшмә ахбарат агентлиқиниң хәвиригә қариғанда, америка дөләт мәҗлиси кеңәш палатаси пәйшәнбә күни бу һәқтә қарар лайиһисини оттуриға қоюп, хитай һөкүмитидин алтә ай ичидә хәлқ пулиниң қиммитини тәңшәшни тәләп қилған. Болмиғанда, америкиниң хитайдин импорт қилинидиған малларға ٪ 27.5 Баҗ елиши мумкинликини көрсәткән.

Хитай һөкүмити буниңға дәрһал инкас қайтуруп, бу хил сәзгүр мәсилиләрни қанун түзүш йоли билән бир тәрәп қилиш хата дәп билдүрди. Хитай ташқи ишлар министирлиқиниң баянатчиси куң чүән баянатида: "хәлқ пулиниң қиммитини өстүрүш вә яки өстүрмәслик қарарини өзимиз чиқиришимиз керәк. Хитайниң муқим һалда, тәдриҗи тез тәрәққи қилиши хәлқара сода шериклиримиз үчүнму пайдилиқ"- деди.

Америка һөкүмәт даирилири, хитай һөкүмити хәлқ пули билән америка доллириниң тегишиш қиммитини төвән бекиткәнлики үчүн, хитай маллириниң қиммити әрзан тохтап, америка маллириниң екиспортиға зиян йәткүзгәнликини, бу сәвәбтин нурғун америкилиқларниң ишсиз қеливатқанлиқини билдүрмәктә. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт