Amérika xitaygha xelq pulining qimmitini kötürüsh heqqide bésim ishlitishni oylashmaqta


2005-02-03
Share

Amérika dölet mejlisi kéngesh palatasi, eger béyjing hökümiti xelq pulining qimmitini kötürmise hemde amérika dollirigha bolghan bésimni azaytmisa, xitaydin import qilinidighan mallargha qaritilghan tamozhna béjini östürüshni oylashmaqta.

Amérika birleshme axbarat agéntliqining xewirige qarighanda, amérika dölet mejlisi kéngesh palatasi peyshenbe küni bu heqte qarar layihisini otturigha qoyup, xitay hökümitidin alte ay ichide xelq pulining qimmitini tengsheshni telep qilghan. Bolmighanda, amérikining xitaydin import qilinidighan mallargha ٪ 27.5 Baj élishi mumkinlikini körsetken.

Xitay hökümiti buninggha derhal inkas qayturup, bu xil sezgür mesililerni qanun tüzüsh yoli bilen bir terep qilish xata dep bildürdi. Xitay tashqi ishlar ministirliqining bayanatchisi kung chü'en bayanatida: "xelq pulining qimmitini östürüsh we yaki östürmeslik qararini özimiz chiqirishimiz kérek. Xitayning muqim halda, tedriji téz tereqqi qilishi xelq'ara soda shériklirimiz üchünmu paydiliq"- dédi.

Amérika hökümet da'iriliri, xitay hökümiti xelq puli bilen amérika dollirining tégishish qimmitini töwen békitkenliki üchün, xitay mallirining qimmiti erzan toxtap, amérika mallirining ékisportigha ziyan yetküzgenlikini, bu sewebtin nurghun amérikiliqlarning ishsiz qéliwatqanliqini bildürmekte. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet