Хитай һөкүмити хәлқ пулиниң тегишиш қиммитини қоюветиш вақтини бекитишни рәт қилди

Хитай һөкүмити хитай хәлқ пулиниң тегишиш қиммитигә болған контроллуқни қачан қоюветидиғанлиқи һәққидә конкерт вақит җәдвили бекитишни рәт қилди.

Буниң алдида, санаәтләшкән америка, әнгилийә қатарлиқ йәттә дөләтниң малийә министирлири вә мәркизи банкилириниң башлиқлири хитай һөкүмитини хәлқара базар бойичә әркин тегишиш қиммити сиясити йүргүзүшкә чақирған. Улар шәнбә күни санаәтләшкән йәттә дөләт гуруһиниң лондонда ечилған йиғини ахирлашқанда бирләшмә баянат елан қилип, хитай хәлқ пулиниң тегишиш қиммитиниң әркин болмаслиқи, пүтүн дуня иқтисадини зиянға учритиватиду дәп көрсәткән.

Бу арида, хитай хәлқ банкисиниң муавин башлиқи ли рогу , бейҗиң һөкүмитиниң чоқум хәлқ пулиниң тегишиш қиммитини қоюп беришкә тиришидиғанлиқини, бирақ қачан қоюп беридиғанлиқини бикитмигәнликини билдүрди.

1990 - Йиллардин буян хитай һөкүмити хәлқ пулиниң қиммитини америка доллириға четиш сияситини йүргүзүп, тегишиш нисбитини 8.28 Дә 1 нисбәттә тутуп турған вә тар даиридә өзгиришигә йол қойған иди. Әмма, тәнқидчиләр, хитай һөкүмити тегишиш нисбитини қәстән төвән тутуш арқилиқ, хитай маллириниң хәлқара базардики тәнәрқини әрзанлитип, риқабәттә үстүнлүккә ериштүриватқанлиқини көрсәтмәктә.

Америка кеңәш палата әзалириму йеқинда қарар лайиһисини оттуриға қоюп, әгәр хитай һөкүмити алтә ай ичидә хәлқ пулиниң тегишиш қиммитини көтүрмисә, америкиниң хитайдин импорт қилинидиған малларға 27.5٪ Таможна беҗи алидиғанлиқини билдүргән иди. (Арзу)