Xitay hökümiti xelq pulining tégishish qimmitini qoyuwétish waqtini békitishni ret qildi


2005-02-06
Share

Xitay hökümiti xitay xelq pulining tégishish qimmitige bolghan kontrolluqni qachan qoyuwétidighanliqi heqqide konkért waqit jedwili békitishni ret qildi.

Buning aldida, sana'etleshken amérika, en'giliye qatarliq yette döletning maliye ministirliri we merkizi bankilirining bashliqliri xitay hökümitini xelq'ara bazar boyiche erkin tégishish qimmiti siyasiti yürgüzüshke chaqirghan. Ular shenbe küni sana'etleshken yette dölet guruhining londonda échilghan yighini axirlashqanda birleshme bayanat élan qilip, xitay xelq pulining tégishish qimmitining erkin bolmasliqi, pütün dunya iqtisadini ziyan'gha uchritiwatidu dep körsetken.

Bu arida, xitay xelq bankisining mu'awin bashliqi li rogu , béyjing hökümitining choqum xelq pulining tégishish qimmitini qoyup bérishke tirishidighanliqini, biraq qachan qoyup béridighanliqini bikitmigenlikini bildürdi.

1990 - Yillardin buyan xitay hökümiti xelq pulining qimmitini amérika dollirigha chétish siyasitini yürgüzüp, tégishish nisbitini 8.28 De 1 nisbette tutup turghan we tar da'iride özgirishige yol qoyghan idi. Emma, tenqidchiler, xitay hökümiti tégishish nisbitini qesten töwen tutush arqiliq, xitay mallirining xelq'ara bazardiki tenerqini erzanlitip, riqabette üstünlükke érishtüriwatqanliqini körsetmekte.

Amérika kéngesh palata ezalirimu yéqinda qarar layihisini otturigha qoyup, eger xitay hökümiti alte ay ichide xelq pulining tégishish qimmitini kötürmise, amérikining xitaydin import qilinidighan mallargha 27.5٪ Tamozhna béji alidighanliqini bildürgen idi. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet