Xitay merkizi bankisining mudiri "xelq géziti" ning xewirini inkar qildi


2005-05-13
Share

Xitay xelq bankisining mudiri jow shyawchüen jüme küni bayanat élan qilip, xelq pulining qimmiti 18 - may küni özgürüdighanliqini inkar qildi. Xitayning hökümet zuwani shinxu'a axbarat agéntliqining xewer qilishiche, jow shyawchü'en jüme küni " metbu'atlardiki xelq pulining qimmiti 18 - mayda özgiridu, dégen xewerler toghra emes," dep körsetken.

Xitay hökümitining zuwani "xelq géziti" ning in'gilizche basmisi, xelq pulining qimmiti özgergenliki pat arida jakarlinidighanliqini xewer qilghan. Bu xewer dunya pul - mu'amile bazirida jiddi inkas qozghidi. Emma uzun ötmey "xelq géziti" xewerning xata bésilip qalghanliqini élan qilghan.

Amérika maliye ministirliqidiki da'iriler, bu heptining bashlirida xitay hökümiti bilen xelq pulining qimmitini özgertish mesilisi boyiche élip barghan shundaqla söhbetning ilgirleshke érishkenlikini bildürgen idi.

Xitay xelq bankisining mu'awin mudiri wu shyawling, aldinqi küni xelq bankisi pul qimmitini özgertishning téxnika jehettiki teyyarliqini qilip qoydi, dep körsetti. Emma u, pul qimmitining islahatini amérikining bésimi bilen élip barmaydighanliqini tekitligen.

Metbu'atlarning xewer qilishiche, xitayda chet'el périwotigha ige puqra we karxanilar qolidiki tashqi périwotini sétish qedimini tézletken. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet