Amérika maliye emeldarliri xitay pulining tégishish qimmiti mesilisige jiddiy qarimaqta

Amérikining maliye ministiri jek sino we fédéral xezinisining bashliqi elin gürünsipen kiler ayda béyjinggha bérip, amérika- xitay iqtisadiy hemkarliq komitétining yilliq yighinigha qatnishidu.

Amérika maliye ministirliqining bildürüshiche, jek sino we elin gürünsipen yighinda xitay xelq pulining tégishish qimmitini öz ichige alghan iqtisadiy mesililer heqqide xitay terep bilen söhbet ötküzidu.

Jek sino bashchiliqidiki ömek amérikigha qaytip kelgendin kéyin, özining yérim yilliq bahalash doklatini amérika dölet mejlisige sunidighan bolup, bu doklat xitayni , pul mu'amile bazirini perde arqida kontrol qilghan dölet tizimlikige kirgüzüsh - kirgüzmeslikni belgileydu.

Amérika maliye ministirliqi bu yil 5 - ayda élan qilghan doklatida, héchqaysi döletni perde arqida turup pul- mu'amile bazirini kontrol qilghan dölet tizimlikige kirgüzmigen idi. Amérikidiki nurghun parlamént ezaliri maliye ministirliqining xitayni bu tizimlikke kirgüzmigenlikini qattiq tenqid qilghan idi.

Amérika soda sahesidiki nurghun zatlar we qismen parlamént ezaliri xitayning xelq pulining tégishish qimmitini kontrol qilishi , amérika- xitay otturisidiki sodida zor tetür balanis kélip chiqishidiki asasliq seweb dep qarimaqta. (Arzu)