Ikki amérika kéngesh palata ezasi junggoni pul mesilisini séntebirde awazgha qoyimiz, dep agahlandurdi


2006.07.28

Amérika kéngesh palatasining yüz abroyi chong ezaliridin charliz shumir bilen lindséy grahamlar, eger junggo hökümiti bu yil 9- ayning 30 - künigiche xelq pulini erkin qoyuwétish yoligha qarap mangmisa, amérikigha kiridighan xitay mallirigha baj qoyush toghrisidiki qanun teklip layihisini kéngesh palatasida awazgha qoyimiz, dep agahlandurdi.

Shumir bilen graham bu agahlandurushni amérika maliye ministiri hénry pa'ulson bilen körüshkendin kéyin élan qildi. Lékin pa'ulson, kéngesh palata ezalirigha amérika hökümitining junggo da'irilirigha pulning qimmitini erkin qoyuwétish toghrisida bésim ishlitidighanliqini bildürgen.

Amérika soda sana'et sahesi junggo pulining hazirqi tennerqi uning bazardiki qimmitige sélishturghanda 40 % töwen we bu xitay mallirining amérika bazirigha kirishini qolaylashturup, adaletsiz riqabetni keltürüp chiqarmaqta, dep qarimaqta. Shumir bilen gram amérika maliye ministiri hénri pa'ulson'gha eger -30 séntebirgiche konkirit netije alamisa, "qanun teklip layihisini awazgha qoyimiz,"dep tekitligen.

Shumir bilen graham bu yilning bashliri xitayni ziyaret qilip, junggo da'iriliri bilen körüshkendin kéyin xitay pulining qimmiti pat yéqinda özgürüdighanliqigha ümid bilen qaraydighanliqini jakalighan. Xitay, junggo pulining qimmitini dollargha nisbet bilen bir yilning aldida 1.2 Pirsent chüshürgen, lékin shuningdin kéyinki bir yil jeryanida junggo pulining dollargha nisbeten qimmiti 5.1 Pirsent ösüp boldi. Shumir, "junggoni ziyaret qilghandin kéyin pulda hichqandaq özgürüsh bolmighanliqidin chongqur epsuslanduq," deydu. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.