Хәлқ қурултейи сайлимида һөкүмәт билән һәмкарлашмаслиқ һәрикити давамлишиватиду


2008.02.06

Америка авазиниң хәвәр қилишичә, хитай һөкүмити бултур елип барған тәшвиқатида, буниңдин кейин мәмликәт буйичә 35 миң 400 дин артуқ йеза, наһийә дәриҗиликтин юқири һөкүмәтләрниң һәммиси демократик сайлам арқилиқ сайлап чиқилиду, дейилгән иди. Бу вақитта гуаңдуң өлкисидә хәлқ қурултейи сайлимида һөкүмәт билән һәмкарлашмаслиқ һәрикити пәйда болди. Хәвәрдә ейтилишичә, сайламда һөкүмәт билән һәмкарлашмаслиқ һәрикитини адвокат таң җинлиң қозғиған болуп, у, дөләт пуқралирини, әгәр коммунист һөкүмити һәр дәриҗилик хәлқ қурултейи сайлимини контрол қииливелип, намзатларни өзи бәлгиләп, бәлгилигән кишини сайлатқузушқа урунса, һөкүмәт билән һәмкарлашмаслиққа чақирған иди.

Хәвәрдә баян қилинишичә, дөләт пуқралириниң хәлқ қурултейи сайлимида һөкүмәт билән һәмкарлашмаслиқ һәрикити гуаңдуңдила әмәс, башқа җайлардиму қанат яйған. Гуаңдуң, хунән қатарлиқ өлкиләрдә сақчи даирилири бу һәрикәтни бастиуруш үчүн бир нәччә адвокатни 'җәмийәт тәртипини қалаймиқанлаштурди' дегән җинайи нам билән тутуп қамап қойған. Әмма, гуаңдуңдики мустәқил мулаһизичи җу җәнго әпәндиниң америка авазида елан қилған мулаһизисидә баян қилинишичә, дөләт пуқралири хәлқ қурултейи сайлимида һөкүмәт билән һәмкарлашмаслиқ һәрикитиниң үнүми яхши болған. Асасий қатламларда сайлам һәққидә гәп болсила, дөләт пуқралири һөкүмәтниң ялғанчилиқини паш қилип әмәлдарларни амалсиз қалдурған. Бу һәрикәт һазир дағдуғиси болмған һалда мәмликәтниң һәммә йеридә давамлишиватиду.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.