خىتايدا ھەر يىلى 100 مىڭدىن ئارتۇق ئىشچى ئىش ئۈستىدە قازا قىلماقتا


2008-01-22
Share

ئەنگىلىيە ب ب س رادىئو ‏- تېلېۋىزىيە تورىنىڭ سەيشەنبە خەۋەر تارقىتىشىچە، خىتايدا يۈز بەرگەن ھادىسىلەردە ئىش ئۈستىدە قازا قىلىدىغان ئىشچىلار يۈز مىڭدىن ئاشىدىغان بولۇپ ، بىخەتەرلىك تەدبىرلىرىنىڭ ئېلىنماسلىقى ئىشچىلارنىڭ ھاياتىغا زامىن بولۇۋاتقان ئاساسلىق ئامىل ئىكەن. يەنى خىتايدا شەخسلەر ئىگىدارچىلىقىدىكى شىركەتلەرنىڭ پەقەتلا ئىقتىسادى مەنپەئەتىنى كۆزلەپ بىخەتەرلىك ئامىللىرىغا سەل قارىشى ئومۇميۈزلۈك ھالەت بولۇپ ، شىركەتلەرنىڭ باشقۇرۇش قاتلىمىدىكى چىرىكلىك تۈپەيلى بىخەتەر ئىشلەپچىقىرىشقا دائىر قانۇن ۋە بەلگىلىمىلەر كۈچكە ئىگە قىلىنمىغان.

خەۋەردە كۆرسىتىلىشىچە ، يېقىندا دۇنيا مەتبۇئاتىدا بېيجىڭ ئولىمپىك مۇسابىقىسى ئۆتكۈزۈلىدىغان نۇقتىلىق تەنھەرىكەت سارايلىرىدىن " قۇش ئۇۋىسى" قۇرۇلۇشى جەريانىدىمۇ 10 ئىشچى قازا قىلغانلىقى خەۋەر قىلىنغان بولسىمۇ ، ئەمما بېيجىڭ دائىرىلىرى بۇ ئادەم ئۆلۈش ۋەقەسىنى ئېتراپ قىلمىغان .

خىتاي بىخەتەر ئىشلەپچىقىرىشنى نازارەت قىلىش ئىدارىسى باشلىقى لى بۇ ھەقتە ئاخبارات ساھەسىگە " ئولىمپىك قۇرۇلۇشى جەريانىدا ئادەم ئۆلگەنلىكىدىن خەۋىرىم يوق ، ئەگەر بۇ جەھەتتە مەسىلە كۆرۈلسە مۇناسىۋەتلىك دائىرىلەر جىددىي تەكشۈرۈپ ، قانۇن بۇيىچە بىر تەرەپ قىلىدۇ " دەپ بىلدۈرگەن.

لى يەنە ، خىتايدا بىخەتەر ئىشلەپچىقىرىش جەھەتتە ھەقىقەتەن ھادىسە كۆپ كۆرىلىدىغانلىقىنى ئېتىراپ قىلىپ ، ھەر يىلى خىتايدا ئاممىنىڭ ئىنكاس قىلىشى بىلەن بىخەتەر ئىشلەپچىقىرىشقا دائىر نۇرغۇن مەسىلىلەر ئاشكارىلىنىدۇ، بولۇپمۇ كان ۋەقەلىرىنىڭ پەۋقۇلئاددە كۆپلۈكى جەھەتتە جۇڭگو دۇنيا بۇيىچە ئالدىنقى ئورۇندا تۇرىدۇ " دېگەن .

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت