Xitayda her yili 100 mingdin artuq ishchi ish üstide qaza qilmaqta
2008.01.22
En'giliye b b s radi'o - téléwiziye torining seyshenbe xewer tarqitishiche, xitayda yüz bergen hadisilerde ish üstide qaza qilidighan ishchilar yüz mingdin ashidighan bolup , bixeterlik tedbirlirining élinmasliqi ishchilarning hayatigha zamin boluwatqan asasliq amil iken. Yeni xitayda shexsler igidarchiliqidiki shirketlerning peqetla iqtisadi menpe'etini közlep bixeterlik amillirigha sel qarishi omumyüzlük halet bolup , shirketlerning bashqurush qatlimidiki chiriklik tüpeyli bixeter ishlepchiqirishqa da'ir qanun we belgilimiler küchke ige qilinmighan.
Xewerde körsitilishiche , yéqinda dunya metbu'atida béyjing olimpik musabiqisi ötküzülidighan nuqtiliq tenheriket sarayliridin " qush uwisi" qurulushi jeryanidimu 10 ishchi qaza qilghanliqi xewer qilin'ghan bolsimu , emma béyjing da'iriliri bu adem ölüsh weqesini étrap qilmighan .
Xitay bixeter ishlepchiqirishni nazaret qilish idarisi bashliqi li bu heqte axbarat sahesige " olimpik qurulushi jeryanida adem ölgenlikidin xewirim yoq , eger bu jehette mesile körülse munasiwetlik da'iriler jiddiy tekshürüp , qanun buyiche bir terep qilidu " dep bildürgen.
Li yene , xitayda bixeter ishlepchiqirish jehette heqiqeten hadise köp körilidighanliqini étirap qilip , her yili xitayda ammining inkas qilishi bilen bixeter ishlepchiqirishqa da'ir nurghun mesililer ashkarilinidu, bolupmu kan weqelirining pewqul'adde köplüki jehette junggo dunya buyiche aldinqi orunda turidu " dégen .
Munasiwetlik maqalilar
- Béyjing da'irliri olimpik qurulush meydanida adem ölüsh hadisisining yüz bergenlikini ret qildi
- Xitayda kishilik hoquq weziyitini künséri nacharlashmaqta
- Yéqindin buyan xitayning kishilik hoquq xatirisi, adettin tashqiri diqqetke sazawer bolmaqta
- Xelq'ara saqchi: térrorchilar béyjing olimpik yighinigha hujum qilishni pilanlighan bolushi mumkin
- Xitayning olimpik harpisidimu kishilik hoquqni dawamliq depsende qiliwatqanliqi ashkarilanmaqta
- Xelq'ara muxbirlar teshkilati olimpik komitétini xitay mesiliside eyiblidi
- Xelqara olimpik komitéti emeldarliri xitay kishilik hoquq bayanati heqqide munazirileshmekte