Хитай судандики қирғинчилиқ һәрикәтлирини қорал билән тәминлигән


2004-12-23
Share

Америкидики даңлиқ "вашингтон почтиси" гезитиниң хәвәр қилишичә, хитай һөкүмитиниң йеқинда, суданда йүз бәргән ирқий қирғинчилиқ мәсилисидә ғәрб дөләтлиригә қарши мәйданда болушиға, асаслиқи хитайниң судандики нефиттин килидиған иқтисадий мәнпәәти сәвәб болған. Хитай һөкүмити йәнә судан һөкүмитини бигунаһ пуқраларни қиришта ишләткән қораллар билән тәминлигән.

"Вашингтон почтиси" гезитиниң көрситишичә, хитай һөкүмити судан мәсилисидә пәқәтла иқтисадий мәнпәәтни чиқиш қилип, америкиға қарши иш тутқан. Америка һөкүмити бу йил суданниң дарфур районида йүз бәргән қирғинчилиқ вәқәсини бу әсирдә йүз бәргән әң чоң ирқий қирғинчилиқи дәп әйиблигән иди. У қетимқи вәқәдә дарфор районидики қара тәнликләрдин 70 миңдин артуқ адәм өлтүрүлгән.

Хәвәрдә көрситилишичә, бирләшкән дөләтләр тәшкилати бихәтәрлик кеңиши суданға иқтисадий җаза йүргүзүш мәсилисидә музакирә елип барғанда, хитай һөкүмити буниңға қарши аваз ташлайдиғанлиқи һәққидә агаһландурған. Чүнки, хитай һөкүмити суданға нәччә милярд долларлиқ мәбләғ селип, суданниң нефитини ечиватқандин сирт, суданға йәнә қорал сетип пул тапқан. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт