Xitay sudandiki qirghinchiliq heriketlirini qoral bilen teminligen


2004-12-23
Share

Amérikidiki dangliq "washin'gton pochtisi" gézitining xewer qilishiche, xitay hökümitining yéqinda, sudanda yüz bergen irqiy qirghinchiliq mesiliside gherb döletlirige qarshi meydanda bolushigha, asasliqi xitayning sudandiki néfittin kilidighan iqtisadiy menpe'eti seweb bolghan. Xitay hökümiti yene sudan hökümitini bigunah puqralarni qirishta ishletken qorallar bilen teminligen.

"Washin'gton pochtisi" gézitining körsitishiche, xitay hökümiti sudan mesiliside peqetla iqtisadiy menpe'etni chiqish qilip, amérikigha qarshi ish tutqan. Amérika hökümiti bu yil sudanning darfur rayonida yüz bergen qirghinchiliq weqesini bu esirde yüz bergen eng chong irqiy qirghinchiliqi dep eyibligen idi. U qétimqi weqede darfor rayonidiki qara tenliklerdin 70 mingdin artuq adem öltürülgen.

Xewerde körsitilishiche, birleshken döletler teshkilati bixeterlik kéngishi sudan'gha iqtisadiy jaza yürgüzüsh mesiliside muzakire élip barghanda, xitay hökümiti buninggha qarshi awaz tashlaydighanliqi heqqide agahlandurghan. Chünki, xitay hökümiti sudan'gha nechche milyard dollarliq meblegh sélip, sudanning néfitini échiwatqandin sirt, sudan'gha yene qoral sétip pul tapqan. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet