Ху җинтав судан президенти билән дарфур мәсилисини музакирә қилди


2007.02.02
Share on WhatsApp
Share on WhatsApp

Хитай һөкүмитиниң дарфур мәсилисидики сиясити ғәрб әллириниң тәнқидигә учраватқан бир мәзгилдә, хитай дөләт рәиси ху җинтав җүмә күни суданни зиярәт қилип, судан президенти әл- башир билән дарфур мәсилисини музакирә қилди.

Бирләшмә ахбарат агентлиқиниң хәвәр қилишичә, ху җинтав әл - баширни дарфур районида тинчлиқни ишқа ашурушта техиму көп күч чиқиришқа шундақла дарфурдики өктичи күчләрни тинчлиқ мусаписға қатнаштурушқа үндигән. Әл - башир ху җинтав билән көрүшүштин бурун "җуңго суданға ғәрб әллиридин техиму адил позитсийә тутмақта" дәп тәкитлигән иди. Сөһбәттин кейин судан ташқи ишлар министири акол, "дарфур мәсилисидә биз хитайниң бесимиға муһтаҗ әмәс, чүнки биз бу мәсилидә бир мәйданда" деди.

Судан, б д т ниң дарфур райониға тинчлиқ қисими орунлаштуруш пиланини шундақла хитай болса б д т да судан һәққидики бу қарарни "башқа дөләтләрниң ички ишлириға арлашқанлиқ " дегән сәвәбләр билән рәт қилип кәлмәктә. Б б с ниң әскәртишичә, судан һөкүмити хитайниң қоллиши астида уруш тохтитиш келишимигә көп қетим хилаплиқ қилған. Хитайниң суданға бериватқан шәртсиз ярдими әрәб әллириниң ғәзипини қозғимақта иди. Б д т баш катипи бан-ки-мун, өткән һәптә хитайдин суданни б д т қисимлириниң дарфур райониға кирип орунлишишиға йол қоюшқа қайил қилишни тәләп қилған. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.