Xu jintaw sudan prézidénti bilen darfur mesilisini muzakire qildi

Xitay hökümitining darfur mesilisidiki siyasiti gherb ellirining tenqidige uchrawatqan bir mezgilde, xitay dölet re'isi xu jintaw jüme küni sudanni ziyaret qilip, sudan prézidénti el- bashir bilen darfur mesilisini muzakire qildi.

Birleshme axbarat agéntliqining xewer qilishiche, xu jintaw el - bashirni darfur rayonida tinchliqni ishqa ashurushta téximu köp küch chiqirishqa shundaqla darfurdiki öktichi küchlerni tinchliq musapisgha qatnashturushqa ündigen. El - bashir xu jintaw bilen körüshüshtin burun "junggo sudan'gha gherb elliridin téximu adil pozitsiye tutmaqta" dep tekitligen idi. Söhbettin kéyin sudan tashqi ishlar ministiri akol, "darfur mesiliside biz xitayning bésimigha muhtaj emes, chünki biz bu mesilide bir meydanda" dédi.

Sudan, b d t ning darfur rayonigha tinchliq qisimi orunlashturush pilanini shundaqla xitay bolsa b d t da sudan heqqidiki bu qararni "bashqa döletlerning ichki ishlirigha arlashqanliq " dégen sewebler bilen ret qilip kelmekte. B b s ning eskertishiche, sudan hökümiti xitayning qollishi astida urush toxtitish kélishimige köp qétim xilapliq qilghan. Xitayning sudan'gha bériwatqan shertsiz yardimi ereb ellirining ghezipini qozghimaqta idi. B d t bash katipi ban-ki-mun, ötken hepte xitaydin sudanni b d t qisimlirining darfur rayonigha kirip orunlishishigha yol qoyushqa qayil qilishni telep qilghan. (Erkin)