" Xitay amérikidin dalay lama sewebidin öch éliwatidu "


2007-12-03
Share

Xitay hökümitining yéqinda , xongkongda toxtap ötüshni pilan qilghan amérika herbiy paraxotining xongkonggha kirishige ruxset qilmighanliqi, xitay analizchilarning qarishiche, xitay hökümitining amérika terepning dalay lamani qizghin kütüwalghanliqidin öch élishi bolup hésablinidiken.

Sin'gapordin chiqidighan waqit gézitide körsitilishiche, ötken jüme küni amérika herbiy emeldari ré'ubén jeyms béyjing da'irilirining hazirgha kelgiche amérikining kichik lachin namliq awi'amatkisini öz ichige alghan 9 herbiy paraxotini xitaygha kirgüzmey tosup qalghanliqini bildürüp bu heqte izahat bérishni telep qilghan idi.

Xitay bixeterlik tehlilchisi wang shyangsuning sin'gapor boghuzi waqit gézitige bildürgenlirige qarighanda, xitay hökümet da'iriliri gérmaniye bash ministiri an'géla mérkélning dalay lamani kütüwélishigha qarita qattiq pozitsiye bildürgen bolup, emma buninggha sélishturghanda, amérika prézidénti jorj bushning dalay lamani kütüwélishigha nisbeten yumshaq mu'amilide bolghan.

Derweqe, xitay gérmaniye bash ministiri an'géla mérkél dalay lamani qobul qilghandin kéyin, gérmaniye maliye ministiri bilen ötküzidighan söhbetni kéchiktürgen idi.

Uning bildürüshiche yene, ötken ayda xongkongni ziyaret qilip ötmekchi bolghan kichik lachin tipliq awi'amatkining béyjing da'iriliri teripidin tosuwélinishi we bashqa amérika herbiy paraxotlirining xitay térritoriyisige kirgüzülmesliki emdi yumshashqa bashlighan amérika - xitay herbiy munasiwetlirige noqsan yetküzüshi mumkin iken .

Amérika dölet mudapi'e ministirliqi, xitayning amérika herbiy paraxotlirining xitay térritoriyisige kirishini ushtumtut bikar qilishidiki sewebni chüshendürüp bérishni telep qilghan bolsimu, emma xitay hökümet da'iriliri buni xewerlishish jeryanida sadir bolghan uqushmasliq dep izahlighan idi. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet