Xitay " junggoning siyasiy partiye tüzümi" namliq aq tashliq kitabini élan qildi

Xitay dölet kabinti axbarat ishxanisi peyshenbe küni " junggoning siyasiy partiye tüzümi" ning aq tashliq kitabini élan qildi. Shinxu'a agéntliqining bildürüshiche, bu 2005 ‏- yili élan qilin'ghan" junggo démokratik siyasitining qurulushi" namliq aq tashliq kitabtin kéyin yene bir qétim junggoning siyasiy, meniwiy medeniyet qurulushi toghrisida élan qilin'ghan aq tashliq kitab bolup hésablinidiken.

Shinxu'a agéntliqi yene, bu aq tashliq kitabta, junggo kompartiyisi bilen junggodiki herqaysi démokrat guruhlar otturisida yéngi munasiwet ornitilghanliqi bayan qilinidu dep eskertken.

Biraq, amérika birleshme agéntliqining peyshenbe küni tekitlishiche, xitay kommunistik partiyisi hökümiti, her qaysi partiye, guruh rehberlirining peqet özlirini uchur bilen teminleshte téximu muhim rol oynishini ümid qilidiken, emma ularning xitay kommunistik partiyisining hakimiyitige qarshi öktichilik qilishigha hergizmu yol qoymaydiken.

Xitaydiki kishilik hoquq depsendichiliklirige qarshi pa'aliyet élip bériwatqan chet'ellerdiki her qaysi teshkilatlar, 2005 ‏- yili aq tashliq kitabta élan qilin'ghan mezmunlarni emeliyetke uyghun kelmeydighan saxta doklatlar dep eyibligen idi. (Eqide)