Xitay azadliq armiyisining bash shitab bashliqi almashturuldi

24 -Séntebir düshenbe küni xitay dölet mudapi'e ministirliqi, burun teywen'ge hujum qilish teyyarliqini bash bolup ishligen herbiy qomandani chén bingdéni xitay xelq azadliq armiyisi bash shtabining re'isi qilip östürgenlikini bildürdi.

Chén burun xitay azadliq armiyisi qoral-yaraq tereqqiyatigha nazaret qilish bölümide xizmet qilghan bolup, bu qétimliq almashturushta u, xitay azadliq armiyisi bash shtabining shtab bashliqliq wezipisige qoyulup, esli bu orunda xizmet qiliwatqan général lyang gu'anglyéning ornigha dessitilgen. Melum bolushiche, lyang gu'anglyéning wezipisi téxiche békitilmigen.

Birleshme agéntliqi bu heqte bergen xewiride , xitay dölet mudapi'e ministirliqidiki wang famililik bir xadimning éytqanlirini neqil keltürüp körsitishiche, bu wang famililik xadim, lyang gu'anglyéning ornigha chén bingdéning qoyulghanliqi muqimliship qalghan.

Chén bingdéning xitay armiyisi bash shtabigha re'is qilip teyinlinishi, kéler ayda échilidighan xitay kompartiyisining 17- qurultiyidin bir nechche hepte burunla élip bérilghan bolup, birleshme agéntliqi bu heqte bergen xewiride körsitilishiche, chén bingdéning mezkur orun'gha almashturulushi yene, teywen bilen xitay munasiwetliride jiddiychilik kücheygen mezgilge toghra kelgen iken.

Melum bolushiche, chén bingdé eslide nenjing herbiy rayonining bashliqi bolup ishligen bolup, u eyni waqitta teywen'ge qaritilghan urushqa we bashqa jiddiy ehwallargha teyyarliq körüsh xizmetlirini asasliq tutqan iken. (Jüme)