خىتاي ئازادلىق ئارمىيىسى چېرىكلىك مەسىلىگە دۇچ كەلمەكتە


2007-11-12
Share

خىتاي ئاخبارات ۋاسىتىلىرىنىڭ مەلۇماتىغا قارىغاندا، خىتاي ئازادلىق ئارمىيىسى ئەسكەرلىككە قوبۇل قىلىش سىستېمىسىدىكى چىرىكلىكنىڭ ئالدىن ئېلىش ئۈچۈن بىر يېڭى سىستېما ئورنىتىشنى قارا قىلغان.

فرانسىيە ئاگېنتلىقىنىڭ شىنخۇا ئاخباراتىدا بېرىلگەن خەۋەردىن نەقىل ئېلىپ كۆرسىتىلىشىچە، جىسمانىي جەھەتتە ئۆلچەمگە توشمايدىغان يېڭى ئەسكەرلەرنى پارا ئېلىش ئارقىلىق كىرگۈزگەن ئوفىتسېرلارغا "قاتتىق" جازا قوللىنىلىدىغان بولۇپ، خەۋەردە مۇنداق دېيىلگەن: " لاياقەتسىزلەر يۇرتىغا قايتۇرۇلىدۇ، شۇنىڭ بىلەن بىرلىكتە، لاياقەتسىزلەرنى قوبۇل قىلغان ئوفىتسېرلار ئېغىر جازاغا تارتىلىدۇ".

مەلۇم بولۇشىچە، ھازىر خىتاي ئازادلىق ئارمىيىسىدە 2.3 مىليون ئەسكەر بار بولۇپ، ھازىر خىتاي ھەربىي تېخنىكا جەھەتتە قالاق قوشۇنلىرىنى زامانىۋىي تېخنىكىلار بىلەن قوراللانغان ئىلغار قوشۇن قىلىپ قۇرۇپ چىقىشقا تىرىشماقتا.

خىتاي ئۆز ھەربىي قىسىمىنىڭ ھەر تۈرلۈك ساپاسىنى ئۆستۈرۈش ئۈچۈن يېڭى ئەسكەرلەرنى قوبۇل قىلىشتا بىر قاتار چەكلىمىلەرنى بېكىتىپ چىققان بولۇپ، بۇلارنىڭ ئىچىدە ياش چەكلىمىسى 18-22 ياشقىچە بولۇش، تولۇق ئوتتۇرىنى پۈتتۈرگەن ۋە ھېچقانداق جىنايەت سادىر قىلمىغان بولۇش قاتارلىقلار مۇھىم سالماقنى ئىگىلەيدۇ.

ئەمما خىتاي ئارمىيىسى ئۆز قوشۇنلىرىنىڭ جىسمانىي ۋە باشقا ساپاسىنى ئۆستۈرۈشنى ھەدەپ تەكىتلەۋاتقان مىنۇتلاردا، خىتاي ئارمىيىسى يەنە بىر قاتار مەسىلىلەرگە دۇچ كەلمەكتە.

شىنخۇا ئاگېنتلىقىدا بۇ ھەقتە بېرىلگەن خەۋەردە كۆرسىتىلىشىچە، "ئەسكەر قوبۇل قىلىدىغان ئوفىتسېرلارغا پارا بېرىش ۋە باشقا قانۇنسىز يوللار بىلەن" يەنە نۇرغۇن لاياقەتسىز يېڭى ئەسكەرلەر قوبۇل قىلىنغان بولۇپ، بۇ ھازىر خىتاي ئازادلىق ئارمىيىسى دۇچ كېلىۋاتقان نېگىزلىك مەسىلىلەرنىڭ بىرى ئىكەن. (جۈمە)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت