Xitay azadliq armiyisi chériklik mesilige duch kelmekte


2007-11-12
Share

Xitay axbarat wasitilirining melumatigha qarighanda, xitay azadliq armiyisi eskerlikke qobul qilish sistémisidiki chiriklikning aldin élish üchün bir yéngi sistéma ornitishni qara qilghan.

Fransiye agéntliqining shinxu'a axbaratida bérilgen xewerdin neqil élip körsitilishiche, jismaniy jehette ölchemge toshmaydighan yéngi eskerlerni para élish arqiliq kirgüzgen ofitsérlargha "qattiq" jaza qollinilidighan bolup, xewerde mundaq déyilgen: " layaqetsizler yurtigha qayturulidu, shuning bilen birlikte, layaqetsizlerni qobul qilghan ofitsérlar éghir jazagha tartilidu".

Melum bolushiche, hazir xitay azadliq armiyiside 2.3 Milyon esker bar bolup, hazir xitay herbiy téxnika jehette qalaq qoshunlirini zamaniwiy téxnikilar bilen qorallan'ghan ilghar qoshun qilip qurup chiqishqa tirishmaqta.

Xitay öz herbiy qisimining her türlük sapasini östürüsh üchün yéngi eskerlerni qobul qilishta bir qatar cheklimilerni békitip chiqqan bolup, bularning ichide yash cheklimisi 18-22 yashqiche bolush, toluq otturini püttürgen we héchqandaq jinayet sadir qilmighan bolush qatarliqlar muhim salmaqni igileydu.

Emma xitay armiyisi öz qoshunlirining jismaniy we bashqa sapasini östürüshni hedep tekitlewatqan minutlarda, xitay armiyisi yene bir qatar mesililerge duch kelmekte.

Shinxu'a agéntliqida bu heqte bérilgen xewerde körsitilishiche, "esker qobul qilidighan ofitsérlargha para bérish we bashqa qanunsiz yollar bilen" yene nurghun layaqetsiz yéngi eskerler qobul qilin'ghan bolup, bu hazir xitay azadliq armiyisi duch kéliwatqan négizlik mesililerning biri iken. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet