Хитай америкидин 80 данә бойиң айрупилани сетивелишқа келишти


2006-04-12
Share

Хитай даирилири сәйшәнбә күни америкидин 80 данә бойиң айрупилани сетивалидиғанлиқини җакарлиди. Буниң қиммити 4 милярд 600 милйон америка доллириға йетидикән. Бу бойиң ширкитиниң һазирғичә хитай билән келишкән әң чоң бир қетимлиқ содиси һесаблинидикән.

Америка бирләшмә агентлиқиниң хәвәр қилишичә, бу келишим сәйшәнбә күнидики 17‏- нөвәтлик хитай-америка сода бирләшмә комитети йиғинида түзүлгән болуп, бу йиғин америка сода министирлиқида өткүзүлгән. Мәзкур йиғинға америка сода министири карлос гутериз вә америкида зиярәттә болуватқан хитай муавин баш министири ву йи қатарлиқлар қатнашқан.

Бойиң ширкити мәзкур агентлиққа уларниң бу йил ичидә хитайға сетип беридиған айрупилан санини 120 гә йәткүзүшни халайдиғанлиқини билдүргән. Америкиниң бойиң ширкити билән униң явропадики риқабәтчиси ейрбас ширкити хитайни өзлириниң әң чоң сода базири дәп қарайду. Бойиң йәнә, кәлгүси 20 йил ичидә хитайға җәмий 2600 данә айрупилан сетишни пиланлимақта.

Хитайниң муавин баш министири ву йи башчилиғидики вәкилләр өмики йеқинқи бир нәччә күн ичидила америка билән 16 милярд 200 милйон америка доллири қиммитидә 100 нәччә түрлүк сода келишими имзалап болған. Анализчилар буниң хитай рәиси ху җинтавниң америкиға келиштин бурун америка-хитай оттурисидики сода җиддийликини пәсәйтиш мәқситидә елип берилғанлиқини билдүрмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт