Xitay amérikidin 80 dane boying ayrupilani sétiwélishqa kélishti
2006.04.12
Xitay da'iriliri seyshenbe küni amérikidin 80 dane boying ayrupilani sétiwalidighanliqini jakarlidi. Buning qimmiti 4 milyard 600 milyon amérika dollirigha yétidiken. Bu boying shirkitining hazirghiche xitay bilen kélishken eng chong bir qétimliq sodisi hésablinidiken.
Amérika birleshme agéntliqining xewer qilishiche, bu kélishim seyshenbe künidiki 17- nöwetlik xitay-amérika soda birleshme komitéti yighinida tüzülgen bolup, bu yighin amérika soda ministirliqida ötküzülgen. Mezkur yighin'gha amérika soda ministiri karlos gutériz we amérikida ziyarette boluwatqan xitay mu'awin bash ministiri wu yi qatarliqlar qatnashqan.
Boying shirkiti mezkur agéntliqqa ularning bu yil ichide xitaygha sétip béridighan ayrupilan sanini 120 ge yetküzüshni xalaydighanliqini bildürgen. Amérikining boying shirkiti bilen uning yawropadiki riqabetchisi éyrbas shirkiti xitayni özlirining eng chong soda baziri dep qaraydu. Boying yene, kelgüsi 20 yil ichide xitaygha jem'iy 2600 dane ayrupilan sétishni pilanlimaqta.
Xitayning mu'awin bash ministiri wu yi bashchilighidiki wekiller ömiki yéqinqi bir nechche kün ichidila amérika bilen 16 milyard 200 milyon amérika dolliri qimmitide 100 nechche türlük soda kélishimi imzalap bolghan. Analizchilar buning xitay re'isi xu jintawning amérikigha kélishtin burun amérika-xitay otturisidiki soda jiddiylikini peseytish meqsitide élip bérilghanliqini bildürmekte.
Munasiwetlik maqalilar
- Prézidént bush soda mesilisini junggo - amérika bashliqlar söhbitidiki muhim téma dédi
- Amérika dölet mejlis ezaliri yang jyenlini qoyup bérishke chaqiridighan qarar maqullidi
- Wu yi amérika bilen soda hemkarliq toxtimi tüzmekchi
- Xitay, amérika bilen bolghan munasiwetlirini yaxshilashni xalaydighanliqini bildürdi
- Robért zoléyk, béyjingda xitay - amérika munasiwetliri boyiche söhbet élip bardi