Бейҗиң һөкүмити б д т кишилик һоқуқ әмәлдариниң зияритини җәрянида өктичиләрни назарәт қилишни күчәйтти

Хитай һөкүмити бейҗиңни зиярәт қиливатқан б д т кишилик һоқуқ комисари луис арбор, бейҗиңға келишниң алди - кәйнидә хитай сақчилар сияси өктичиләрни назарәт қилишни күчәйткән.

Беританийә ахбарат агентлиқи б б с, сақчиларниң мәқсиди өктичиләрниң б д т кишилик һоқуқи али әмәлдари билән көрүшүп, хитай һөкүмитиниң " йүзини төкүдиған ишлар" ни қилип қоюшидин сақлиниш, дәп тәкитлигән.

Хәвәрләргә қариғанда сақчилар луис арбор ханим чүшкән меһманханиниң әтрапини контрол қиливалған. Ройтерс ахбарат агентлиқи, меһманхана әтрапидики вәзийәткә қариғанда кишиләрниң б д т али әмәлдариға йеқинлишиш мумкинчилики аз, дәп көрсәтти.

Б д т кишилик һоқуқ мәсилилири бойичә али әмәлдари, бейҗиңға келиштин сәл илгири " шәпқәт булиқи," дәп атлидиған бир кишилик һоқуқ тәшкилатиниң бейҗиңдики ишханиси сақчилар тәрипидин ахтурулған.

Б д т кишилик һоқуқ али әмәлдариниң хитайдики зиярити 2 - сентәбиргичә давамлишиду. Б д т кишилик һоқуқ комисари луис арбор сәйшәнбә күни бейҗиңда адәм әткәсчилики " террорлуқ җинайәт," дәп әйиплиди.

Луис арбор, зиярәт җәрянида бейҗиң һөкүмититини "хәлқара пуқралар һоқуқи вә сияси һоқуқ әһдинамиси" ни тезрәк тәстиқлашни тәләп қилидикән. Б д т кишилик һоқуқ али комисарлири йеқинқи 7 йилда хитайни 8 қетим зиярәт қилған. (Әркин)